Basondelezia ikumi nu babili b'iyombo lya Davidi
27
1 Maganzo ma baIsraeli nu basondelezia ba bikanga bya beisibo, basondelezia ba tununu nu nkama nu basondelezia bakitilaga mukota ku bibombo byendile nu byavule na mwezi na mwezi, mwaka unsania, na kibombo na kibombo na kyabezaga na bantu tununu makumi mabili nu tunazi (24.000). 2 Musondelezia wa kibombo kitangi mu mwezi mutangi abezaga Yasobeamu, mwana wa Zabudieli, abezaga musondelezia wa kibombo kya bantu tununu makumi mabili nu tunazi (24.000). 3 Abezaga muPerezi, nu abezaga mukota wa basondelezia bansania ku mwezi mutangi. 4 Musondelezia wa kibombo mu mwezi w'ibili abezaga Dodayi wa ku Ahoa. Mikiloti abezaga umozi wa basondelezia mu kibombo kyage nu mwabezaga bantu tununu makumi mabili nu tunazi (24.000). 5 Musondelezia wa mwezi w'isatu abezaga Benaya mwana wa Yehoyada sankoga; mu kibombo kyage mwabezaga bantu tununu makumi mabili nu tunazi (24.000). 6 Wozo Benaya abezaga ipuka munkatini mwa makumi masatu nu abezaga mukota ku babo makumi masatu. Mu kibombo kyage mwabezaga Amizabadi, mwana wage. 7 Musondelezia wa banazi, ku mwezi w'inazi, abezaga Asaheli, mubuto wa Yoabu, nu kumbusa kwage kwabezaga Zebadia mwana wage. Mu kibombo kyage mwabezaga bantu tununu makumi mabili nu tunazi (24.000). 8 Musondelezia wa batano ku mwezi w'itano abezaga Samuhuti, muIsira; mu kibombo kyage mwabezaga tununu makumi mabili nu tunazi (24.000). 9 Musondelezia wa mutuba, ku mwezi wa mutuba abezaga Ira, mwana wa Ikesi wa ku Tekoa; mu kibombo kyage mwabezaga tununu makumi mabili nu tunazi (24.000). 10 Musondelezia wa mutubakamo ku mwezi wa mutubakamo abezaga Helesi wa ku Peloni wa baEfuraimu; mu kibombo kyage mwabezaga tununu makumi mabili nu tunazi (24.000). 11 Musondelezia wa kinana, ku mwezi wa kinana, abezaga Sibekayi wa muHusa wa baZera; mu kibombo kyage tununu makumi mabili nu tunazi (24.000). 12 Nu musondelezia wa mubula, ku mwezi wa mubula, abezaga Abiezeri wa ku Anatoti, muBenjamina, nu mu kibombo kyage mwabezaga tununu makumi mabili nu tunazi (24.000). 13 Musondelezia w'ikumi ku mwezi w'ikumi abezaga Maharai wa ku Netofati wa kikanga kya baZera; mu kibombo kyage mwabezaga tununu makumi mabili nu tunazi (24.000). 14 Musondelezia w'ikumi nu umozi, ku mwezi w'ikumi nu umozi abezaga Benaya wa ku Piratoni wa baEfuraimu; mu kibombo kyage mwabezaga tununu makumi mabili nu tunazi (24.000). 15 Musondelezia w'ikumi nu babili ku mwezi w'ikumi nu ibili abezaga Heldai muNetofati, wa kikanga kya Otinieli; mu kibombo kyage mwabezaga tununu makumi mabili nu tunazi (24.000). 16 Babano u basondelezia ba bikanga bya baIsraeli: Ku baRubeni, Eliezeri mwana wa Sikiri abezaga musondelezia. Ku baSimeoni, Sefatia, mwana wa Maka. 17 Ku baLawi, Hasabia mwana wa Kemueli; ku baHaruni, Zadoki; 18 ku baYuda, Elihu, umozi wa mibuto za Davidi; ku baIsakari, Omuri, mwana wa Mikaeli; 19 ku baZebuluni, Isimaya, mwana wa Obadia; ku baNafutali, Yeremoti, mwana wa Azirieli; 20 ku baEfuraimu, Hoshea, mwana wa Azazia; ku kyindi kya kikanga kya Manase, Yoeli mwana wa Pedaya, 21 ku kyindi kya kikanga kya Manase mu Gileadi, Ido mwana wa Zekaria; ku baBenjamina, Yasieli, mwana wa Abeneri; 22 ku baDani, Azareli mwana wa Yerohamu. Babano babezaga basondelezia ba bikanga bya baIsraeli.
23 Davidi ntaganzile babo batakuka myaka makumi mabili, kubuno Yehowa alagile kwitizia baIsraeli anga nkeninkeni za kwigulu. 24 Yoabu mwana wa Zeruya alingile kubaganza tondo ntasilile. Bongoa bwabede ku baIsraeli ku kabamba kako. Maganzo mabo tamasanzilwe mu mikanda za byawakalazi bya mukota Davidi.
25 Mulangi w'isuku lya mukota abezaga Azimaweti, mwana wa Adieli; mulangi wa masuku ma masoa nu wa miino minene nu mikeke nu ma mikolo abezaga Yonatani, mwana wa Uzia. 26 Musondelezia wa balimi ba masoa abezaga Ezeri mwana wa Kelubu. 27 Musondelezia wa balimi ba masoa ma mizigi abezaga Simei wa ku Ramati. Musondelezia wa batubuzi nu mulangi wa biziki bya kulanga mazi ma biguma bya mizabibu abezaga Zabudi wa ku Sifi. 28 Musondelezia wa balimi ba miti za mizeituni nu za mikuyu zabezaga mu Shefela abezaga Bali-Hanani wa ku Gederi. Mulangi wa makiti ma biguma abezaga Yoasi. 29 Mulangi wa ngombe zabezaga mu masoa ma Saroni abezaga Sitirayi mwana wa ku Saroni. Mulangi wa ngombe zabezaga ku kibitabita abezaga Safati mwana wa Adilai. 30 Obili muIsimaeli abezaga mulangi wa ngamia, nu Yedeya wa ku Meronoti abezaga mulangi wa mpunda. 31 Mulangi wa mikoko abezaga Yasisi wa ku Hagiri. Babo bansania babezaga balangi ba binsania byabezaga bya mukota Davidi.
32 Yonatani, isi mwana muto wa Davidi, abezaga mwiya lwango nu bumenyinino nu abezaga musanzi; we nu Yehieli mwana wa Hakemoni balangile bana ba mukota. 33 Ahitofeli abezaga mukazi wa lwango ku mukota nu Husai wa Arki abezaga mwida wa mukota. 34 Kumbusa kwa Ahitofeli kwabezaga Yehoyada, mwana wa Benaya, nu Abiatari. Mukota w'iyombo abezaga Yoabu.