Isiboseti itwa.
4
1 Gongule Isiboseti mwana wa Saulo buno Abeneri akule ku Hebroni, mutima wage wakutukile+ \fr 4:1 \ft KiEbrania, maboko mage matambile. nu baIsraeli bansania bakule boba. 2 Isiboseti, mwana wa Saulo, abezaga na bantu babili babezaga bakota ba bibombo. Izina lya umozi lyabezaga Bana, nu izina lya ungo Rekabu; babezaga bana ba Rimoni muBeroti, wa kikanga kya Benjamina; 3 nu baBeroti batinine ku Gitaimu nu kwikala kuko aaba nu lelo. 4 Nu Yonatana, mwana wa Saulo, abezaga na mwana wabezaga kitunga mu magulu mabili. Abezaga na myaka itano mu nkungu zavule musagu wa lukuo lwa Saulo nu Yonatana kutuka Yezereheli. Mulezi wage amutolile, nu atinine; nu mu nkungu za kutina, mwana agwede nu abede kitunga. Einikilwe Mefibosete.
5 Nu bana ba Rimoni muBeroti, Rekabu nu Bana, bavule ku numba za Isiboseti gaabezaga iba kalo mu nkungu za makuluka. 6 Beingide mu numba anga bakutola ngano nu bamusumitile munda. Rekabu nu Bana mubuto wage batinine nu bonine. 7 Beingide mu numba gabezaga Isiboseti eiyombeka ga mugu wage nu bamulibwide nu kumwita. Bamusesile itoe nu bendile nalyo ku nzila za Araba kindi kinsania. 8 Balusizie itoe lya Isiboseti kuli Davidi ku Hebroni. Basambalide mukota bunee: “Lola itoe lya Isiboseti, mwana wa Saulo, musombi wobe, walondaga kalamo kobe. Lelo, Yehowa akusuba ku Saulo nu kikanga kyage.”
9 Davidi akwide Rekabu nu muto wage, bana ba Rimoni muBeroti, bunee: “Anga bukulama Yehowa, wozo wakulwide kalamo kane ku mbabazio insania, 10 gavule umozi kunsambalila bunee: ‘Saulo akua,’ akengede buno avwa na musagu musoga! Namukatile nu kumwita ku Ziklagi. U lukaso lunamukasile ku misagu zage. 11 Embe lino geitile bantu babi muntu wisanana mu numba zage, ga mugu wage. Ndi nsyasube mikila zage kumuli nu kumwita?” 12 Davidi akakizizie basikila bage kubeita, nu babeitile nu kusesa maboko nu magulu mabo. Baswikile bitumba byabo mu ntungo mwa kiziba kya Hebroni. Bayikile itoe lya Isiboseti mu nsinda za Abeneri ku Hebroni.