Bwiyani bwa baSimeoni.
19
1 Kweswa kwa mbale limbizi lya mabili kwabede ku kikanga kya baSimeoni anga bwabezaga bikanga byabo; nu bwiyani bwabo bwabezaga munkatini mwa bwiyani bwa baYuda. 2 Bwiyani bwabo bwabezaga Beri-Seba, nu Seba, nu Molada, 3 nu Hazari-Suali, nu Bala, nu Ezemu, 4 nu Eltoladi, nu Betuli, nu Horma, 5 nu Ziklagi, nu Beti-Marakaboti, nu Hazari-Susa, 6 nu Beti-Lebaoti nu Saruheni: miino ikumi nu isatu gamozi na miino zazo mikeke; 7 nu Aini, nu Rimoni, nu Eteri, nu Asani: miino inazi gamozi na miino zazo mikeke, 8 gamozi na miino insania mikeke zabezaga bwigi na zeno miino minene aaba nu ku Balati-Beri, u Rama wa Negevi. Bubo bwabezaga bwiyani bwa kikanga kya baSimeoni anga bwabezaga bikanga byabo. 9 Bwiyani bwa kikanga kya baYuda bwabezaga bunene kubeli; kikanga kya baSimeoni kyakatile bwiyani munkatini mwa bwiyani bwabo. Bwiyani bwa baZebuluni.
10 Kweswa kwa mbale limbizi lya masatu kwabede ku kikanga kya Zebuluni, anga bwabezaga bikanga byabo. Nu myaga za bwiyani bwabo zabasile aaba nu ku Saridi; 11 nu mwaga wabakamine ku lulenge lwa kunsi nu watingile ku Marala, nu witubizie ku Dabeseti, nu ku luuzi luli kuntata kwa Yokinamu. 12 Kutukila ku Saridi watingile ku lulo lungo lulenge, ku lulenge lwa kuntata kukutukaga kisongo kya busi, aaba nu ku mwaga wa Kisiloti-Tabori; kutukila kuko wendile ku Daberati, nu wabakamine ku Yafia; 13 gago wasigelede mu lulenge lwa kuntata kukutukaga kisongo kya busi ku Gati-Heferi, nu ku Eti-Kazini, nu wendelede ku Rimoni nu wakumbide kwenda ku Nea. 14 Nu ku lulenge lwa kwikazi, mwaga wakumbide ku Hanatoni, nu wazindide ku mpinga za Ifita-Eli, 15 nu Katati, nu Nahalali, nu Simuroni, nu Idala, nu Betelehemu, miino ikumi nu ibili gamozi na miino zazo mikeke. 16 Bubuno u bwabezaga bwiyani bwa kikanga kya Zebuluni, anga bwabezaga bikanga byabo, zeno miino gamozi na miino zazo mikeke.
Bwiyani bwa baIsakari.
17 Kweswa kwa mbale limbizi lya manazi kwabede ku baIsakari, ku kikanga kya baIsakari anga bwabezaga bikanga byabo. 18 Mu myaga zabo mwabezaga Yezereheli, nu Kesuloti, nu Sunemu, 19 nu Hafaraimu, nu Sioni, nu Anaharati, 20 nu Rabiti, nu Kisioni, nu Ebesi, 21 nu Remeti, nu Eniganimu, nu Eniada, nu Beti-Pazezi. 22 Lingo mwaga witubizie ku Tabori, nu Sahazuma, nu Beti-Semesi, nu wazindide ku Yordani: miino ikumi nu mutuba gamozi na miino zazo mikeke. 23 Bubuno bwabezaga bwiyani bwa kikanga kya baIsakari, anga bwabezaga bikanga byabo, u miino minene gamozi na miino zazo mikeke.
Bwiyani bwa baAseri.
24 Kwesa kwa mbale limbizi lya matano kwabezaga ku baAseri anga bwabezaga bikanga byabo. 25 Mu myaga zage mwabezaga Helkati, nu Hali, nu Beteni, nu Akisafu, 26 nu Alameleki, nu Amadi, nu Misali. Ku lulenge lwa kunsi witubizie ku Karmeli nu Sihori-Libunati, 27 nu wakumbide kwenda ku lulenge lwa kuntata, nu watingile ku Beti-Dagoni, nu witubizie ku Zebuluni mu Kibitabita kya Ifita-Eli ku lulenge lwa kwidume lwa Beti-Emeki nu Neieli; nu wasigelede mu lulenge lwa kwikazi ku Kabuli, 28 nu Eburoni, nu Rehobu, nu Hamoni, nu Kana, aaba nu Sidoni munene; 29 nu mwaga wakumbide ku Rama, nu wasigelede ku mwino wa Tiro, wabezaga na mikolo; nu mwaga wakumbide ku Hosa nu wazindide ku kitatenge a bwigi na Maharabu, nu Akizibu, 30 nu Uma, nu Afeki, nu Rehobu: miino makumi mabili nu ibili, gamozi na miino zazo mikeke. 31 Bubuno u bwabezaga bwiyani bwa kikanga kya baAseri, anga bwabezaga bikanga byabo u zeno miino minene gamozi na miino zazo mikeke.
Bwiyani bwa baNafutali.
32 Kweswa kwa mbale limbizi lya mutuba kwabede ku baNafutali, ku kikanga kya baNafutali anga bwabezaga bikanga byabo. 33 Nu mwaga wabo watukide ku Helefu, ku muti munene wa Zananimu, nu Adami-Nekebu, nu Yabuneli, aaba nu Lakumu, nu wazindide ku Yordani. 34 Nu mwaga wakumbide ku ntungo za kunsi ku Azinoti-Tabori nu kutukila kuko wasigelede ku Hukoki, mwaga wage wabede umozi na baZebuluni ku lulenge lwa kwidume, nu umozi na baAseri ku lulenge lwa kunsi, nu umozi na baYuda ku lulenge lwa kuntata ku Yordani. 35 Miino za mikolo zabezaga Zidimu, nu Zeri, nu Hamati, nu Rakati, nu Kinereti, 36 nu Adama, nu Rama, nu Hazori, 37 nu Kedesi, nu Edirei, nu Eni-Hazori, 38 nu Ironi, nu Migedali-Eli, nu Horemu, nu Beti-Anati, nu Beti-Semesi: miino ikumi nu mubula, gamozi na miino zazo mikeke. 39 Bubuno bwabezaga bwiyani bwa kikanga kya baNafutali anga bwabezaga bikanga byabo, u miino minene gamozi na miino zazo mikeke.
Bwiyani bwa baDani.
40 Kweswa kwa mbale limbizi lya mutubakamo kwabede ku kikanga kya baDani, anga bwabezaga bikanga byabo. 41 Mu myaga za bwiyani bwabo mwabezaga Zora, nu Estoali, nu Iri-Semesi, 42 nu Salabinu, nu Ayaloni, nu Itila, 43 nu Eloni, nu Timuna, nu Ekuroni, 44 nu Eliteke, nu Gibetoni, nu Balati, 45 nu Yehudi, nu Beneberaki, nu Gati-Rimoni, 46 nu Me-Yarkoni, nu Rakoni, gamozi na mwaga wazindide ku Yopa. 47 BaDani basulukile mwaga wabo, babakamine ku Lesemu nu kuwita. Kumbusa kwa kugukata nu kuwita na myene za nganda, beikede mugo. Bamanine Lesemu mu izina lya Dani, anga bwabezaga izina lya Dani isibo. 48 Bubuno u bwabezaga bwiyani bwa bikanga bya baDani, anga bwabezaga bikanga byabo, u zeno miino minene gamozi na miino zazo mikeke.
Bwiyani bwa Yosua.
49 Nu gabasilile kubegania myaga za kisi anga bwiyani, baIsraeli bakasile Yosua, mwana wa Nuni, bwage bwiyani munkatini mwabo, 50 anga bwabakakizizie Yehowa. Bamukasile mwino waasegile, u Timunati-Sera mu kisi kya tukililo twa baEfuraimu; agobakile lingo, nu eikede mugo.
51 Bibino u bibe bya kisi byabeganizibwe na Eleazari, sankoga, nu Yosua mwana wa Nuni, nu basondelezia ba bikanga bya baIsraeli, ku lukita lwa kwesa mbale lwabusio lwa Yehowa ga mwingilo wa Hema za Musanganano ku Silo. U bubo basilile mulimo wa kubegania kisi.