Bwiyani bwa baYuda.
15
1 Kikyo kyindi kyalasile kikanga kya Yuda anga bwabezaga bikanga byabo kyabezaga kyika ku mwaga wa Edomu aaba ku kalula ka Zini ku lulenge lwa kwidume. 2 Nu mwaga wabo wa ku lulenge lwa kwidume watukide ku mutili wa ku ntonga za Kitatenge kya Munkange, kutukila ku iziba lyalolela ku lulenge lwa kwidume. 3 Wasigelede ku lulenge lwa kwidume kubakama ku mpulungano za Akarabimu, watingile ku Zini, wabakamine ku ntungo za lulenge lwa kwidume kwa Kadesi-Barnea, watingile bwigi na Hezroni nu wabakamine ku Adari, watimbile kwenda ku Karaka; 4 nu wasigelede ku Asimoni, watukile ku mpinga za Misri, nu wazindide ku Kitatenge.a Wono wabe mwaga weinyu wa ku lulenge lwa kwidume. 5 Nu mwaga wa kuntata wabezaga Kitatenge kya Munkange, na kubasa ga meito ma Yordani. Nu mwaga wa ku lulenge lwa kwikazi wabezaga kutukila ku Kitatenge kya Munkange geli meito ma Yordani, 6 nu wabakamine ku Beti-Hogla, wasigelede ku lulenge lwa kwikazi lwa Beti-Araba, mwaga wabakamine ku ikozi lya Bohani, mwana wa Rubeni. 7 Nu mwaga wabakamine ku Debiri kutuka ku mpinga za Akori, wendile ku lulenge lwa kwikazi, kuzindila ku Gilgali, walolana na mpulungano za Adumimu zili ku lulenge lwa kwidume lwa mpinga. Mwaga wasigelede kubasa ku kanuabalongo ka Eni-Semesi, nu kuzindila mu Eni-Rogeli. 8 Gago gabakamine mwaga mu mpinga za mwana wa Hinomu ku lulenge lwa kwidume kwa Yebusi, u Yerusalema, nu wabakamine ku ntonga za mwiduko guli lwabusio lwa mpinga za Hinomu ku lulenge lwa kunsi luli kuzinda kwa mpinga za Refaimu ku lulenge lwa kwikazi. 9 Nu mwaga watingile ku ntonga kwa mwiduko nu kubasa ku kanuabalongo ka Nefutoa, nu kutukila gago kubasa ku miino za mwiduko wa Efuroni, nu watimbile ku Baala, u Kiriati-Yearimu, 10 nu mwaga watimbile kutuka Baala ku lulenge lwa kunsi ku mwiduko wa Seiri, wasesede ku lulenge lwa kwikazi lwa mwiduko wa Yearimu ku lulenge lwa kwikazi, u Kesaloni, wagelile ku Beti-Semesi nu watingile ku Timuna, 11 nu watingile mu kilenge kya kakililo kili ku lulenge lwa kwikazi lwa Ekuroni; gago mwaga watimbile ku Sikeroni nu watingile ku mwiduko wa Baala nu watingile ku Yabuneli, nu mwaga wazindide ku Kitatenge. 12 Nu mwaga wa kunsi wabezaga Kitatenge Kinene. Bubo u bwabezaga myaga za baYuda mu ntungo insania anga bwabezaga bikanga byabo.
Kalebu akaswa Hebroni.
13 Akasile Kalebu, mwana wa Yefune, kyindi munkatini mwa baYuda, anga bwakakizizie Yehowa ku Yosua, u Kiriati-Arba, guli Hebroni. (Arba abezaga isi wa Anaki). 14 Gago u gapumbizie Kalebu bantu basatu ba kikanga kya Anaki, u Sesayi, nu Ahimani, nu Talmayi, ibuta lya Anaki.
15 Abakamine kutuka gago kwitana na bantu ba Debiri; lwabusio Debiri wamanagwa Kiriati-Seferi. 16 Kalebu atendile bunee: “Wozo wakindage Kiriati-Seferi nu kugukata, namukase Akisa mukinga wane kumusonga.” 17 Otinieli, mwana wa Kenazi, mubuto wa Kalebu, agukatile; nu Kalebu amukasile mukinga wage Akisa kuba mukazi wage.
18 Nu gabasile mukikulu ku iba wage, Akisa amusindikile buno asege isi Kalebu isoa; nu gakimine Akisa ga mpunda zage, Kalebu amubuzizie bunee: “Kikizi kyukutunda?”
19 Nu amwakwide bunee: “Nkase mponga, kubuno wambika ku kalula ka Negevi. Nkase nu tunuabalongo twa mazi.” Nu Kalebu amukasile tunuabalongo twa kuntata nu twa kunsi.
20 Bubuno u bwiyani bwa kikanga kya baYuda anga buli bikalo byabo. 21 Miino za kikanga kya baYuda ku kyindi kya lulenge lwa kwidume bwigi na mwaga wa Edomu zabezaga zeno: Kabuseli, nu Ederi, nu Yaguri, 22 nu Kina, nu Dimona, nu Adada, 23 nu Kedesi, nu Hazori, nu Itinani, 24 nu Zifu, nu Telemu, nu Bealoti, 25 nu Hazori-Hadata, nu Kerioti-Hezironi u Hazori, 26 nu Amamu, nu Sema, nu Molada, 27 nu Hazari-Gada, nu Hesimoni, nu Beti-Peleti, 28 nu Hazari-Suali, nu Beri-Seba, nu Biziotia, 29 nu Baala, nu Iyimu, nu Ezemu, 30 nu Elitoladi, nu Kesili, nu Horma, 31 nu Ziklagi, nu Madimana, nu Sanisana, 32 nu Lebaoti, nu Silihimu, nu Aini, nu Rimoni: miino insania zabezaga makumi mabili nu mubula gamozi na miino zazo mikeke.
33 Mu kyindi kya kibitabita, Estaoli, nu Zora, nu Asina, 34 nu Zanoa, nu Eniganimu, nu Tapua, nu Enamu, 35 nu Yarmuti, nu Adulamu, nu Soka, nu Azeka, 36 nu Sarayimu, nu Aditaimu, nu Gedera, nu Gederotaimu: miino ikumi nu inazi gamozi na miino zazo mikeke.
37 Nu Zenani, nu Hadasa, nu Migedali-Gadi, 38 nu Dileani, nu Misipa, nu Yokiteli, 39 nu Lakisi, nu Bozikati, nu Eguloni, 40 nu Kaboni, nu Lamasi, nu Kitilisi, 41 nu Gederoti, nu Beti-Dagoni, nu Naama, nu Makeda: miino ikumi nu mutuba gamozi na miino zazo mikeke. 42 Libuna, Eteri, Asani, 43 nu Ifita, nu Asina, nu Nezibu, 44 nu Keila, nu Akizibu, nu Maresa: miino mubula gamozi na miino zazo mikeke.
45 Nu Ekuroni nu miino zago minene nu mikeke; 46 kutukila ku Ekuroni nu kubasa ku Kitatenge,b insania za bwigi na Asidodi, gamozi na miino zazo mikeke, 47 nu Asidodi gamozi na miino zago minene nu mikeke, nu Gaza gamozi na miino zago minene nu mikeke, kubasa ku mpinga za Misri nu ku Kitatenge kinene ku ntungo zakyo. 48 Nu mu kisi kya tukililo, Samiri, nu Yatiri, nu Soko, 49 nu Dana, nu Kiriati-Sana u Debiri, 50 nu Anabu, nu Estemoa, nu Animu, 51 Goseni, Holoni, nu Gilo, miino ikumi nu umozi gamozi na miino zazo mikeke; 52 nu Araba, nu Duma, nu Esani, 53 nu Yanimu, nu Beti-Tapua, nu Afeka, 54 nu Humuta, nu Kiriati-Arba u Hebroni, nu Ziori, miino mubula gamozi na miino zazo mikeke, 55 nu Maoni, nu Karmeli, nu Zifu, nu Yuta, 56 nu Yezereheli, nu Yokidamu, nu Zanoa, 57 nu Kaina, nu Gibea, nu Timuna: miino ikumi gamozi na miino zazo mikeke. 58 Nu Halihuli, nu Beti-Zuri, nu Gedori, 59 nu Maarati, nu Beti-Anoti, nu Elitekoni: miino mutuba, gamozi na miino zazo mikeke. 60 Nu Kiriati-Baali u Kiriati-Yearimu nu Raba: miino ibili gamozi na miino zazo mikeke.
61 Mu kalula, Beti-Araba, nu Midini, nu Sekaka, 62 nu Nibusani, mwino wa munkange, nu Engedi: miino mutuba, gamozi na miino zazo mikeke.
63 Tondo baYuda tabavwamine kupumbia baYebusi beikalaga mu Yerusalema; ububo baYebusi beikede gamozi na baYuda mu Yerusalema aaba nu lelo.