Kibuti kya Esau.
36
1 Kakano keli kazeni ka kibuti kya Esau, u Edomu. 2 Esau asongile bakikulu ba baKanana. Ada, u mukinga wa Eloni muHiti, nu Oholibama, u mukinga wa Ana nu muyukulu wa Sibeoni muHivi, 3 nu Basemati, u mukinga wa Isimaeli nu mubitu wa Nebayoti, babezaga bakikulu bage. 4 Ada abutile Elifazi, nu Basemati abutile Reueli, nu 5 Oholibama abutile Yeusi nu Yalamu nu Kora. Mamano meli meina ma bana babutile Esau nu bakazi bage mu kisi kya Kanana.
6 Esau akumukile ku kingo kisi kyabezaga bulazi na muto wage Yakobo. Endile na bakikulu bage nu bana gamozi na bansania ba mu numba zage, u bakiti bage, nu lingo na bituganwa byage nu nyama zage zinsania zaamonine gaalamaga mu kisi kya Kanana, 7 kubuno kisi takyabezaga kyakuka ku bobabili, Esau nu Yakobo, ku kabamba ka bituganwa byabo. Babezaga na byingi kutinga buno baneikala mu bubobelelo, 8 u bubo Esau, u Edomu, akumukile ku kisi kya miduko kyamanagwa Seiri, aba Edomu.
9 Kikino kili kibuti kya Esau mu Seiri. 10 Mamano u meina ma bana ba Esau: Elifazi mwana wa mukazi wage Ada, nu Reueli, mwana wa mukazi wage Basemati. 11 Elifazi abezaga na bana babano: Temani, Omari, Zefo, Gatamu, Kenazi. 12 Elifazi abezaga na kalemba kamubutide Amaleki. Izina lya kalemba lyabezaga Timuna. Babano babezaga bayukulu ba Esau. 13 Bana ba Reueli babezaga Nahati, Zera, Sama nu Miza. Babano u bayukulu ba Esau na mwana wa Basemati, mukazi wa Esau.
14 Oholibama, u mukazi wa Esau, abutile bana basatu, Yeusi, Yalamu nu Kora.
15 Babano beli bemanizi ba bikanga bya Esau: Elifazi abede ntundu za bikanga bya Temani, Omari, Zefo, Kenazi, 16 Kora, Gatamu nu Amaleki. Babezaga bayukulu ba Ada.
17 Bikanga bya Reueli, mwana wa Esau, byabezaga bya bana bage: Nahati, Zera, Sama, Miza. Babezaga bemanizi babutilwe na Reueli, nu babezaga bayukulu ba Basemati, mukazi wa Esau.
18 Bikanga bya bana ba Oholibama, mukazi wa Esau: Yeusi, Yalamu nu Kora. Babezaga bemanizi ba bikanga nu babezaga bana ba Oholibama. 19 Bikanga bibyo binsania byabezaga mu kikalo kya Esau.
Kibuti kya Seiri.
20 Babano babezaga bana ba Seiri muHori wikalaga mu kisi kikyo nti Esau ntekumuka ko: Lotani, Sobali, Sibeoni, Ana, 21 Disoni, Ezeri nu Disani. Babano u bana ba Seiri babezaga bemanizi ba baHori mu kisi kya Edomu.
22 Lotani abezaga isi wa Hori nu Homamu. Mubitu wa Lotani abezaga Timuna.
23 Sobali abezaga isi wa Alwani, Manahati, Ebali, Sefo nu Onamu.
24 Sibeoni abezaga isi wa Aya nu Ana. Wozo Ana amonine ku kanuabalongo ka mazi makuzuza mu kalula gaalangaga mpunda z'isi.
25 Ana abutile Disoni nu Oholibama, u mukinga wa Ana. 26 Bana ba Disoni u Hemudani, Esibani, Itirani nu Kerani. 27 Ezeri abutile Bilihani, Zawani, nu Akana. 28 Babano u bana ba Disani: Uzi nu Arani. 29 Babano u bemanizi ba baHori: Lotani, Sobali, Sibeoni, Ana, 30 Disoni, Ezeri nu Disani. Babano babezaga bemanizi mu bikanga byabo mu kisi kya Seiri.
Bakota ba Edomu.
31 Babano u bakota bangatile mu kisi kya Edomu nti takuba mukota wa baIsraeli. Bayanganaga nawe nawe mu bindi byage.
32 Bela, mwana wa Beori, abede mukota wa baEdomu, nu mwino wage munene wabezaga Dinihaba.
33 Yobabu, mwana wa Zera, abede mukota kumbusa kwa lukuo lwa Bela, nu mwino wage wabezaga Bosira.
34 Yobabu akule, nu kumbusa kwage Husamu abede mukota nu abezaga wa ku kisi kya baTemani. Akule nu we.
35 Nu Hadadi mwana wa Bedadi abede mukota. Akindile baMidiani mu bita mu kisi kya Moabu. Mwino wage wabezaga Awiti.
36 Gakule Hadadi, Samula wa ku Masireka abede mukota.
37 Gakule Samula, Sauli wa ku Rehoboti mu mutili wa Luuzi a abede mukota.
38 Gakule Sauli, Bali-Hanani mwana wa Akibori abede mukota.
39 Gakule Bali-Hanani, mwana wa Akibori, Hadadi abede mukota. Izina lya mwino wage lyabezaga Pau, nu izina lya mukazi wage lyabezaga Mehetabeli, wabezaga mukinga wa Matiredi nu wa Me-Zahaba.