Bibuti bya bana ba Noa.
10
1 Kikino u kibuti kya bana ba Noa: Semu, Hamu nu Yafeti, nu babutile bana kumbusa kwa mwiyalo. 2 Babano u bana ba Yafeti: Gomeri, Magogi, Madayi, Yavani, Tubali, Meseki, nu Tirasi. 3 Babano u bana ba Gomeri: Askenazi, Rifati nu Togarma. 4 Babano u bana ba Yavani: Elisa, Tarsisi, Kitimu nu Rodanimu. 5 Babano babalangenne ku mitili za bitatenge, nu beibeganizie mu bisi byabo na kikanga na kikanga mu mutendezi wakyo nu mu bilongo byabo.
6 Babano u bana ba Hamu: Kushi, Misiraimu, Puti nu Kanana. 7 Babano u bana ba Kushi: Seba, Havila, Sabuta, Rama nu Sabuteka. Nu bana ba Rama: Seba nu Dedani. 8 Kushi abutile Nimurodi wabede ipuka inene mu kisi. 9 Abezaga mutengi munene kutinga bango lwabusio lwa Yehowa. Ububo bantu batendile bunee: “Anga buli Nimurodi, ipuka lwabusio lwa Yehowa.” 10 Miino mitangi za bukota bwage zabezaga Babeli, Ereki, Akadi, nu Kalne ku kisi kya Sinari. 11 Kutuka ku kisi kikyo endile ku Asuria, nu obakile Ninawe, Rehoboti-Iri nu Kala, 12 nu gasamba Ninawe na Kala, obakile Reseni; wabede mwino munene.
13 Misiraimu abutile Ludimu, Anamimu, Lehabimu, Nafutuhimu, 14 Patirusimu, Kasiluhimu (mweli u mwatukile baFilistini) nu Kafutorimu.
15 Kanana abutile nkula zage Sidoni, nu Heti, 16 nu baYebusi, nu baAmori nu baGirgasi, 17 nu baHivi, nu baArki nu baSini, 18 nu baArvadi, nu baZemari, nu baHamati. Kumbusa bikanga bya baKanana bibalanganizie, 19 nu myaga za baKanana zalingile kutukila Sidoni, ku nzila za Gerari, aaba nu ku Gaza, nu ku nzila zenda ku Sodoma, nu Gomora, nu Adima, nu Zeboimu, aaba nu ku Lasa. 20 Babano u bana ba Hamu kuyangana na bikanga byabo, nu mitendezi zabo, mu bisi byabo nu bilongo byabo.
21 Semu iselenzi wa Yafeti, wabede isi wa baEbrania bansania, abutile bana. 22 Babano u bana ba Semu: Elamu, Asuri, Aripakisadi, Ludi nu Aramu. 23 Bana ba Aramu u babano: Uzi, Huli, Geteri nu Masi. 24 Aripakisadi abutile Sela, nu Sela abutile Eberi. 25 Eberi abutile bana babili, nu umozi einikilwe Pelegi kubuno mu bindi byage u mwabeganizibwe kisi. Izina lya mubuto wage lyabezaga Yokitani. 26 Yokitani abutile Almodadi, Selefu, Hazari-Maweti, Yera, 27 Hadoramu, Uzali, Dikela, 28 Obali, Abimeli, Seba, 29 Ofiri, Avila nu Yobabu. Babano bansania babezaga bana ba Yokitani. 30 Biziki byabo byabezaga kutukila Mesa nu kwenda ku Sefari, ku miduko zili kuko kukutukaga kisongo kya busi. 31 Babano u bana ba Semu kuyangana na bikanga byabo, nu mitendezi zabo, mu bisi byabo nu ku bilongo byabo.
32 Bibino u bikanga bya bana ba Noa kuyangana na bibuti byabo mu bilongo byabo. Kubeli u kwatukile bilongo byabalangenne mu kisi kumbusa kwa mwiyalo.