Filemon i

SURA PAULUS KA

FILEMON

Tesa nompakanoto isi sura

Filemon sambaꞌa topomparasaya i Pue Yesus nggari ngata Kolose. Naria sambaꞌa batuana nosanga ka Onesimus to nalai nggari jaꞌina. Daꞌa ninjanita iwenu, tapi Onesimus nosirata ka i Paulus tempo i Paulus naria riara tarunggu. Ante pepatuduki bo petulungi i Paulus Onesimus najadi topomparasaya i Pue Yesus.

Riara sura eꞌi i Paulus nerapi ala i Filemon mantarima Onesimus bali ri jaꞌina ante mabelo sabana i Paulus nompakau Onesimus manjili ri jaꞌina. Paulus nerapi ala i Filemon mantarima Onesimus bali daꞌa aga ewa batuana to nalai nggari jaꞌina bopia, tapi ewa sampesuwuna riara i Pue Yesus, sabana Onesimus woꞌu nomparasaya i Pue Yesus nasimbayu ante i Filemon.

Isi sura to napokona iweꞌi:

1. Petabe (1-3)

2. Paulus nosukuru ka Alatala sabana pomparasaya bo pepotowe i Filemon (4-6)

3. Paulus nerapi ala i Filemon mantarima Onesimus bali ante mabelo (7-22)

4. Petabe kaopuna (23-25)