Titus i

SURA PAULUS KA

TITUS

Tesa nompakanoto isi sura

Titus sambaꞌa tau daꞌa to Yahudi to nomparasaya i Pue Yesus. Iꞌa najadi roa sampokarajaa i Paulus nanggeni Kareba Belo, bo ira rombaꞌa to nanggeni Kareba Belo ka pue ngata ri Lewuto Kreta (1:5). Naopu ira nompebutu Lewuto Kreta nompatolele tesa i Pue Yesus, i Paulus napola mpaka ri ngata Efesus, pade i Titus netoꞌo ri Kreta.

Patuju i Paulus nompalasi i Titus ri Kreta ala iꞌa namala mompakasiayu bara sakuya ngele anu daꞌapa nakapo nipakasiayuna mboto. Sangele, i Titus nipakau i Paulus mangonggotaka topanggeniaka-topanggeniaka topomparasaya i Pue Yesus ri ngata-ngata ri Kreta (1:5-6). Titus woꞌu nipakau mangewa tau-tau to nompatuduki pepatuduki to nasalana (1:10-16). Pade iꞌa nipakau mompatuduki ka topomparasaya pokainggu to nabelona ala mompopokita ka pura-pura tau kabelona pepatuduki agama Karistee (2:10).

Isi sura to napokona iweꞌi:

1. Petabe (1:1-4)

2. Pokarajaa to nipakau i Paulus ka i Titus ri Lewuto Kreta (1:5-9)

3. Titus nipopatora mangewa pepatuduki to nasala (1:10-16)

4. Pokainggu to masipato ka topomparasaya i Pue Yesus (2:1-3:11)

5. Tewai-tewai bo petabe kaopuna (3:12-15)