SURA PAULUS KARONGGANINA KA
TIMOTIUS
Tesa nompakanoto isi sura
Timotius sambaꞌa tau nggari ngata Listra ri Propinsi Galatia. Iꞌa nosirata ka i Paulus tempo i Paulus narata nanggeni Kareba Belo ri ngata Listra (kira-kira mpae 49-50). Naopu etu i Paulus nanggeni i Timotius mpasanggani-nggani riara mpolumakona, pade i Timotius najadi topantulungi bo roa sampokarajaa to mpuꞌu-mpuꞌu nipotowe i Paulus ewa anana mboto.
Tempo i Paulus nantulisi sura eꞌi, i Timotius najadi topanggeniaka topomparasaya i Pue Yesus ri ngata Efesus. Paulus nantulisi sura eꞌi nggariara tarunggu ri ngata Roma tempo namosu kamatena. Ninjanina mana masae iꞌa kana rapatesi (4:6). Jadi nipokiona i Timotius momai mosanggani-nggani ante iꞌa ri ngata Roma, sabana ntora pura-pura roa i Paulus ntanina nompalasi iꞌa riara tarunggu. Sura eꞌi nikeni i Tikhikus mpaka ri jaꞌi Timotius ri ngata Efesus.
Patuju i Paulus to napokona mantulisi sura eꞌi iweꞌi: 1) Iꞌa nompokio i Timotius momai ri jaꞌina, sabana ninjaninamo mana masaeka iꞌa kana rapatesi. 2) Iꞌa nompopatora ka i Timotius ala maroo mompapola bago to nipakau Alatala ka iꞌa. 3) Iꞌa nompopatora ka i Timotius ala mangewa pepatuduki to nasala to nipatuduki bara sakuya mbaꞌa tau ri Efesus.
Isi sura to napokona iweꞌi:
1. Petabe (1:1-2)
2. Popatora nggari jaꞌi Paulus (1:3-2:13)
3. Pokainggu to masipato ka sambaꞌa batua Alatala (2:14-26)
4. Tesa nggari Buku Nagasa mompakaroso topomparasaya mantingayo kasusa tempo namosu kaopu nu dunia (3:10-17)
5. Tesa i Paulus kaopuna daꞌapa iꞌa mamate (4:1-18)
6. Petabe kaopuna (4:19-22)