SURA PAULUS KARONGGANINA KA TOPOMPARASAYA RI NGATA
TESALONIKA
Tesa nompakanoto isi sura
Topomparasaya i Pue Yesus ri ngata Tesalonika danipandasa ntau bo naria ira to danaingu nompekiri karata i Pue Yesus bali ri dunia. Naria to nompekiri narata balimo i Pue Yesus, pade naria ntanina mana madota mokarajaa sabana nipekiri ira sampalaipa Iꞌa marata sampe mana paraluu mokarajaa mangelo katuwua mboto.
Riara surana karongganina eꞌi patuju i Paulus ntora nasimbayu ante patujuna ri sura pamulana. Iꞌa nompakaroso pomparasaya to Tesalonika ala ira batena maroo momparasaya nau nipandasa ntau (1:3-12). Iꞌa woꞌu nompatuduki nuapa majadi tempo mamosu karata i Pue Yesus bali ri dunia (2:1-12). Pade iꞌa nompatuduki ala topomparasaya mokarajaa ante maraji bo neꞌe masondo rara.
Isi sura to napokona iweꞌi:
1. Petabe (1:1-2)
2. Posukuru i Paulus sabana katuwu to Tesalonika (1:3-12)
3. Pepatuduki ewa Topangewa Alatala to meumba daꞌapa i Pue Yesus marata bali ri dunia (2:1-12)
4. Paulus nompakaroso pomparasaya to Tesalonika (2:13-17)
5. Paulus nerapi ala to Tesalonika mosambaya ka iꞌa (3:1-5)
6. Pepatuduki ala tau mokarajaa bo neꞌe masondo rara (3:6-15)
7. Petabe kaopuna (3:16-18)