Efesus i

SURA PAULUS KA TOPOMPARASAYA RI NGATA

EFESUS

Tesa nompakanoto isi sura

Ngata Efesus ngata to neliu nggabete ri Propinsi Asia ri Poparenta Roma nggaolu. Weꞌi-weꞌi nawela negara Turki. Ri setu naria sapo mpesomba ka wiata Artemis to nisomba nadea mpuꞌu tau. Namosu tolumpae kasaena i Paulus nokarajaa nanggeni Kareba Belo ka to Efesus pade ka tau-tau ri ngata-ngata ntanina ri Propinsi Asia (Suro-suro 19:8-10). Surana eꞌi nitulisina ka ira tempo iꞌa nitarunggu ri ngata Roma.

Patuju i Paulus nantulisi surana eꞌi ala mompakanoto ka topomparasaya patuju Alatala mompakasalama ira (1:3-3:21), ala ira matuwu ante pokainggu to masipato ka topomparasaya i Pue Yesus (4:1-6:24). Iꞌa nompakanoto ka ira nggari towe belo nu Alatala mboto ira nipakasalama ante nomparasaya i Pue Yesus, etu daꞌa nggari powia ira mboto. Pade patuju Alatala ala ira manggawia powia to nabelona to nipakasadiana mamimo ka ira (2:8-10). Paulus nompakanoto ka ira mpengele-ngele rasi to niwai Alatala ka ira. Pade nipakanotona woꞌu dota Alatala ka ira ala matuwu mosaongu rara ewa todea tomparasaya i Pue Yesus.

Isi Sura to napokona iweꞌi:

1. Petabe (1:1-2)

2. BAGIA PAMULANA: Patuju nu Alatala ka topomparasaya i Pue Yesus (1:3-3:21)

Mpengele-ngele rasi bo belo niwai ka topomparasaya i Pue Yesus nggari towe belo nu Alatala (1:3-2:10)

Rasi etu niwai ka pura-pura tau, nabeloka tau-tau to Yahudi, nabeloka ka tau-tau daꞌa to Yahudi (2:11-3:13)

Kita masipato mombatoiya bo mombabila Alatala sabana kabete nu towena ka kita (3:14-21)

3. BAGIA KARONGUNA: Pokainggu to masipato ka topomparasaya i Pue Yesus (4:1-6:20)

Kita kana masintuwu pade manggabasaka pokainggu to naliu-liuna pade mompasiala pokainggu Alatala mboto (4:1-6:9)

Kita kana mompake parewa-parewa mposibali nggari jaꞌi Alatala ala maroso mangewa kuasa-kuasa najaꞌa (6:10-20)

4. Tesa kaopuna (6:21-24)