TUNTU POWIA NU
SURO-SURO I PUE YESUS
Tesa nompakanoto isi buku
Tesa TUNTU POWIA NU SURO-SURO I PUE YESUS eꞌi kapola nu buku KAREBA BELO TO NITULISI LUKAS. Patuju Lukas to napokona riara buku eꞌi etumo motarangga iwenu topantuki-topantuki Yesus nikuasai Nosa Nagasa nu Alatala sampe ira namala mompatolele Kareba Belo ewa Yesus ri ngata Yerusalem, ri njumaongu Bagia Yudea bo Samaria, pade sampe ri umba-umba ri dunia (1:8).
Lukas sambaꞌa tau nggari ngata Antiokhia ri Propinsi Siria. Iꞌa mboto nantuki i Paulus riara bara sakuya polumakona. Etu sampe ri bara sakuya ayat naria nirata tesa “kami.” Iꞌa mboto naria nosanggani ante i Paulus ri kajadia to nitulisina ri ayat-ayat etu, jonjona: 16:10-17; 20:5-21:18; 27:1-28:16.
Sangele tesa to napokona riara buku eꞌi nantesa powia Nosa Nagasa nu Alatala to narata ante kuasa ri jaꞌi topomparasaya i Pue Yesus ri ngata Yerusalem tempo Eo Bete Pentakosta (Panaꞌu Nosa Nagasa). Riara pura-pura kajadia to nitulisi riara buku eꞌi nanotomo Nosa Nagasa nu Alatala etu bate-batena nanggeniaka bo nompakaroso pomparasaya topantuki-topantuki i Pue Yesus ante topanggeniaka-topanggeniaka ira.
Isi buku to napokona iweꞌi:
1. Pompamulana Agama Karistee (1:1-26)
Parenta kaopuna bo pojanji nggari jaꞌi Yesus (1:1-14)
Panjambei Yudas (1:15-26)
Powia Suro-suro ri Yerusalem (2:1-8:3)
2. Powia suro-suro ri Yudea bo Samaria (8:4-12:25)
3. Powia i Paulus (13:1-28:31)
Polumakona pamulana mompatolele Kareba Belo (13:1-14:28)
Polibu topomparasaya ri Yerusalem (15:1-35)
Polumako karongganina mompatolele Kareba Belo (15:36-18:22)
Polumako katolungganina mompatolele Kareba Belo (18:23-21:16)
Powia i Paulus ri Yerusalem, Kaisarea bo Roma (21:17-28:31)