Yunus i

Tesa to Niboto

Nabi Yunus

Tesa nompakanoto isi buku

Buku Yunus nosisala nggari buku nabi ntanina ri Buku Nagasa, sabana daꞌa naria tewai Alatala to nipasimbayu nabi Yunus. Tapi isi buku Yunus nantesa kajadia riara nggatuwu nabi Yunus tempo iꞌa daꞌa nantuki parenta Alatala. Iꞌa niparenta i PUE Alatala malau mpaka ri kota Niniwe, petoꞌo magau bete to Asyur to nasaemo najadi bali tau to Yahudi. Tapi Yunus daꞌa nadota mpaka gu setu, sabana niparasayana ane pue ngata Niniwe majea, i PUE daꞌa mompapola nia-Na mompakaropu ira.

Buku Yunus nompakanoto iwenu Alatala nakuasa ntoto ri dunia. Tapi daꞌa aga etu, buku eꞌi woꞌu nompakanoto Alatala neliu mpuꞌu towe-Na bo asi mata-Na. Neliu mpuꞌu dota-Na mombaꞌampungi pade mombasuku tau. Iꞌa nadota mompakasalama pura-pura tau, naupa tau etu najadi bali todea-Na.

Isi Buku to napokona iweꞌi:

1. Yunus niparenta Alatala tapi i'a daꞌa nadota natundu 1:1-10

2. Yunus nitajiaka riara ntasi pade niome bau bete 1:11-17

3. Yunus nanjoso rara pade nipakasalama nggariara bau bete 2:1-10

4. Yunus nompatolele tewai i PUE ri ngata Niniwe 3:1-10

5. PUE nompakanoto ka Yunus Iꞌa nasadia mompakasalama pura-pura tau to majea nggari silakana 4:1-11