Nakabasaka nggari bali
129
Dade nipodade tempo nalau nantuki eo bete ri Yerusalem.Nadea ngganimo bali-balita nompandasa kita, a
nompamula nggari totuꞌata nggaulu.
Pakambamo to Israel manguli iweꞌi:
2 “Nadea ngganimo bali-balita nompandasa kita, nompamula nggari totuꞌata nggaulu,
tapi ira daꞌa nompakule nombadagi kita.
3 Ira nompakabela bengota ante bela to nabete,
ewa tau nopajeko mpakandala.
4 Tapi PUE etu nanoa,
Iꞌa nanggabasaka kita nggariara mpale tau-tau najaꞌa.”
5 Perapi pura-pura tau to nompowua mata kota Sion,b
radagi bo rapakaeya.
6 Pakambamo ira majadi ewa kawoko ri bunggu nu ata, c
to nalele daꞌapa nirebu,
7 sampe daꞌa ria tau nosombe
bo nompasiromu kawoko etu.
8 Tau-tau to noliu ri setu daꞌa ria manguli ka ira,
“Perapi PUE mombagane komi!
Kami nombagane komi riara sanga i PUE!” d