Ester i

ESTER

Tesa nompakanoto isi buku

Buku eꞌi nikasangai nantuki sanga tau to napokona riarana, sambaꞌa randoo to Yahudi to nagayana nosanga ka Ester to nionggotaka magau Persia majadi rongona. Kajadia riara buku eꞌi najadi ri ngata bete Susan, petoꞌo magau Persia Ahasyweros to noparenta mpae 486-465 daꞌapa Yesus niote.

Daꞌa ninjanita isema topotulisi buku eꞌi, tapi natantumo iꞌa sambaꞌa tau to Yahudi, sabana saongu patuju to napokona riara buku ala mompakanoto puꞌu nu saongu posusa nto Yahudi, etumo Posusa Purim. Nadea ngele riara jarita eꞌi nompakanoto topotulisi netoꞌo ri ngata Susan. Buku eꞌi nitulisina kira-kira 460 mpae daꞌapa Yesus niote.

Patuju to napokona nu topotulisi buku eꞌi ala mompakanoto puꞌu nu Posusa Purim, pade ala mompopatora ka muli nto Yahudi iwenu Pue Alatala nantulungi to Yahudi tempo Magau Ahasyweros najadi magau ri Tana Persia. Posusa sangele to napokona riara buku eꞌi. Kitamo Isi Buku.

Isi buku to napokona iweꞌi:

1. Posusa Magau Ahasyweros (1:1-2:18)

A. Wasti nipopenonto najadi Magau besi (Pasal 1)

B. Ester nionggotaka majadi Magau besi (2:1-18)

2. Posusa Ester (2:19-7:10)

A. Mordekhai nompakasalama Magau Ahasyweros (2:19-23)

B. Nia Haman to najaꞌa (Pasal 3)

C. Mordekhai nerapi tulungi ka Ester (Pasal 4)

D. Pomperapi Ester ka magau: posusa Ester pamulana (5:1-8)

E. Haman nonia mompatesi Mordekhai (5:9-6:14)

F. Haman niloe: posusa Ester karongganina (Pasal 7)

3. Posusa Purim (Pasal 8-10)

A. Parenta magau ala mantulungi to Yahudi (Pasal 8)

B. Posusa Purim nipakatantu (Pasal 9)

C. Mordekhai nionggotaka najadi pangga bete to neliu nggalanga (Pasal 10)