Rut
Tesa nompakanoto isi buku
Buku eꞌi nipoposanga nantuki sanga tau to nitesa riarana. Rut lembau nu Magau Daud, pade i'a samba'a totu'a nggaolu i Pue Yesus (Mt. 1:1-5). Kajadia ri buku eꞌi najadi ri tempo to nitesa ri Buku Hakim-Hakim (Topotangara) tempo naria posinggabelo tana Israel ante tana Moab. Daꞌa ninjanita isema nantulisi buku eꞌi, tapi nitulisi namosu mpae 1000 daꞌapa Yesus niote.
Rut besi nggari tana Moab to norongo ante langgai to Israel, ana i Naomi. Naupa namatemo rongona iꞌa batena nompotowe indo matuꞌana sampe nantuki iꞌa manjili mpaka ri tana Israel nggari tana Moab. Iꞌa nantulungi matuꞌana pade nomparasaya i PUE to niparasaya indo matuꞌana. Kaopuna Rut norongo woꞌumo ante tau to Israel pade nireke sambaꞌa todea i PUE Alatala.
Isi Buku to napokona iweꞌi:
Kasusa rara i Naomi (1:1-5)
Naomi bo i Rut nanjili nggari tana Moab (1:6-22)
Rut nosintomu ante i Boas (2:1-23)
Rut nalau mpaka ri petoꞌo pomporo gando i Boas (3:1-18)
Boas nombaurusi porongona ante Rut (4:1-12)
Kadamba rara i Naomi (4:13-17)
Tuntu posisunju ntotuꞌa Magau i Daud (4:18-22)