Ezra
Tesa nompakanoto isi buku
Buku Ezra nompapola tesa to nitulisi ri buku Tawarikh. Kitamo 2 Tawarikh 36:22-23 to nasimbayu ante Ezra 1:1-2.
Buku Ezra nantesa nuapa to najadi ante tau-tau to Israel to nanjili mpaka ri Tana Kanaan nggari Tana Babel, petoꞌo ira nipobatua. Naopu sabagia ira nanjili mpaka ri Kota Yerusalem, tau-tau to Yahudi nompamula woꞌumo mantuki atura-atura agama Yahudi.
Iweꞌimo kajadia-kajadia to napokona to nitesa riara buku eꞌi:
1. Sabagia tau-tau to Israel to nipobatua ri Babel nanjili mpaka ri Kota Yerusalem, nantuki parenta nggari Magau Koresh, magau to Persia.
2. Sapo Mpepue ri Kota Yerusalem nibangu mpanjili bo nipeosa, pade tau-tau to Israel nompamula nepue ka i PUE nantuki Atura-atura agama to nipapola i Musa.
3. Naliu bara sakuya mpulu mpae naria tau-tau to Israel ntanina nanjili mpaka ri Kota Yerusalem nggari Tana Babel, nikeniaka Ezra topanggeni agama, sambaꞌa guru agama Yahudi. Ezra nompasibuku manggeni tau-tau to Israel natuwu nantuki Atura-atura i PUE.
Isi buku to napokona iweꞌi:
1. Tau-tau to Israel pamulana to nanjili nggari Tana Babel, petoꞌo ira nipobatua 1:1-2:70
2. Sapo Mpepue nibangu mpanjili pade nipeosa 3:1-6:22
3. Bara sakuya mpae kaliuna Ezra nanjili woꞌu mpaka ri Kota Yerusalem ante tau-tau to Israel ntanina 7:1-10:44