Nehemia
Tesa nompakanoto isi buku
Ri naska to neliu nggasae buku Ezra bo Nehemia aga saongu buku. Nompamula nggari mpae 200 Naliu Pesuwu Yesus pade nibagi najadi rongu buku.
Sabagia bete tau napande nanggita isi Buku Nagasa nanguli aga sambaꞌa lau topotulisi buku Ezra, Nehemia bo buku-buku 1 bo 2 Tawarikh. Nadea kasimbayuna ri buku-buku etu. Jonjona: Isi buku 2 Tawarikh 36:22-23 nasimbayu ante isi buku Ezra 1:1-2.
Nantuki tau napande etu buku Ezra nitulisi kira-kira mpae 440 Daꞌapa Pesuwu Yesus (S.M.), bo buku Nehemia nitulisi kira-kira mpae 430 Daꞌapa Pesuwu Yesus (S.M.).
Buku Nehemia namala rabagi toluongu bagia:
1) Nantesa pompakabelo tembo Kota Yerusalem nikeniaka i Nehemia to nionggotaka magau to Persia najadi gubernur ri Bagia Yehuda.
2) Ezra nombabasa Atura-atura agama to nipapola i Musa, pade todea Israel nompangaku silaka-silaka ira.
3) Powia-powia ntanina to nipowia i Nehemia.
Sangele to nabelo riara buku eꞌi tesa to nompopajani i Nehemia mpuꞌu-mpuꞌu nanjarumaka i PUE, pade naoso nosambaya.
Isi buku to napokona iweꞌi:
1. Nehemia nanjili mpaka ri Kota Yerusalem 1:1-2:20
2. Tembo Kota Yerusalem nipakabelo 3:1-7:73
3. Atura-atura agama to nipopola i Musa nibasa ka todea, pade pojanji ira ante Alatala nipakabou mpanjili 8:1-10:39
4. Powia-powia ntanina to nipowia Nehemia 11:1-13:31