Posambaya riara kasusa
130
Dade nipodade tempo nalau nantuki eo bete ri Yerusalem.O PUE, riara kasusa to nandasa,
aku nekakai ka Komi.
2 Epemo pekakaiku bo sonomo posambayaku.
3 O PUE, ane Komi batena mantora silaka-silaka manusia,
natantumo daꞌa ria sambaꞌa to makabasaka nggari pesuku.
4 Tapi Komi nasadia mombaꞌampungi,
ala tau mekou ri jaꞌi-Mu.
5 Aku nompopea-pea i PUE mantulungi aku,
bo nanjarumaka Tesa-Na.
6 Aku nompopea i PUE,
neliu nggari toporonda nompopea eo mebulu,
neliu nggari toporonda nompopea eo mebulu.
7 Umba komi to Israel, sarumakamo i PUE!
Sabana towe-Na daꞌa ria kaopu-opuna,
bo Iꞌa batena nasadia nompakasalama.
8 Iꞌamo to mantolo
pura-pura silaka to Israel.