Mantoiya kabelo Alatala
127
Dade i Salomo. Nipodade tempo nalau nantuki eo bete ri Yerusalem.Ane daꞌa i PUE to nombabangu sapo,
daꞌa ria gunana topowia sapo.
Ane daꞌa i PUE nombajagai kota,
daꞌa ria gunana topojagai kota.
2 Daꞌa ria gunana komi mokarajaa ntomo mangelo katuwua,
membangu masadondo bo maturu masae wengina.
Sabana i PUE nompakasadia panggoni ka tau to nipotowe-Na
tempo ira danaturu.
3 Ngana-ngana pewai Alatala ka kita,
ira etu hadia nggari jaꞌi-Na.
4 Ngana-ngana to nipoanaka tempo umana danamuda,
nasimbayu ewa mata-mata nu pana ri pale tadulako.
5 Nasana mpuꞌu tau to nadea anana.
Iꞌa daꞌa rapakaeya tempo mantingayo bali-balina riara mpotangara.