Posambaya merapi rapakabelo
126
Dade nipodade tempo nalau nantuki eo bete ri Yerusalem.Tempo i PUE nompakabelo bali kota Yerusalem,a
kita ewa tau nangipi.
2 Tempo etu kita nongiri-ngiri,
bo nodade nadamba-damba.
Tempo etu nangulimo tau-tau nggari ngata-ngata ntanina,
“PUE nanggawia powia to nabaraka ka tau-tau to Israel!”
3 Mpuꞌu-mpuꞌu i PUE nanggawia powia to nabaraka ka kita;
etumo sabana kita nadamba-damba.
4 O PUE, pakabelo balimo kami,
ewa salu nu ue to nangau noili bali uena tempo uja.
5 Tau-tau to nosawu ante ue mata,
kana mokato ante madamba-damba.
6 Tau-tau nalau nosawu ante tangi,
natantumo kana matingguli ante modade madamba-damba
manggeni asele mpokatona.