Naꞌama riara mpale i PUE
125
Dade nipodade tempo nalau nantuki eo bete ri Yerusalem.Tau-tau to nomparasaya i PUE,
nasimbayu ewa Bulu Sion to daꞌa namala ragagoya,
to naroo sampe ri kasae-saena.
2 Nasimbayu ewa Yerusalem nitalili nu bulu-bulu,
wetu woꞌu i PUE nanggalendu todea-Na,
nompamula weꞌi-weꞌi sampe ri kasae-saena.
3 Tau najaꞌa daꞌa masae ka moparenta ri tana to najadi bagia tau-tau to nanoa,
ala tau-tau nanoa daꞌa mompasiala pokainggu tau najaꞌa.
4 O PUE, powiamo belo ka tau-tau nabelo,
bo ka tau-tau to nanoa rarana.
5 Tapi tau-tau to nadenggo powiana
kana rasuku i PUE mpasanggani-nggani ante tau-tau to nompowia kajaꞌana.
Perapi PUE mompakaꞌama bo mompakasana to Israel!