Alatala nosabingga ka kita
124
Dade i Daud. Nipodade tempo nalau nantuki eo bete ri Yerusalem.Ane i PUE daꞌa nosabingga ka kita,
pakambamo to Israel manguli iweꞌi,
2 ane i PUE daꞌa nosabingga ka kita
tempo bali nangewa kita,
3 natantumo ira nompakaropu kita,
tempo ira mpuꞌu-mpuꞌu narau ka kita.
4 Natantumo kita nilomeaka nu ue,
bo nipakatala nu binangga.
5 Natantumo kita namate natala
riara liku ue to nandala.
6 Ratoiyata i PUE to daꞌa nompalamba kita
rapakaropu nu balita!
7 Kita ewa tonji to nakabasaka
nggari tandoko topanjoko tonji.
Nadapamo tandoko etu,
bo kita nakabasaka!
8 Petulungita nopuꞌu nggari jaꞌi PUE
to nompajadi langi bo dunia.