Posambaya merapi asi mata
123
Dade nipodade tempo nalau nantuki eo bete ri Yerusalem.O PUE, aku nantingoa Komi,
to noparenta ri suruga.
2 O PUE Alatala kami, kitamo, ewa sambaꞌa batua langgai
nanjarumaka petulungi nggari jaꞌi madikana,
ewa sambaꞌa batua besi
nanjarumaka petulungi nggari jaꞌi madikana,
iwetumo kami nanjarumaka petulungi nggari jaꞌi-Mu,
sampe Komi maꞌasi mata ri jaꞌi kami.
3 Poasi matamo kami, PUE, poasi matamo kami,
sabana nadea gagamo tau nanjalai kami.
4 Nadea gagamo kami nipongei-ngei tau nasombo,
bo nisalai tau to nalanga rara.