Posambaya ka Kota Yerusalem
122
Dade i Daud. Nipodade tempo nalau nantuki eo bete ri Yerusalem.Nadamba mpuꞌu raraku tempo tau nompakeni aku,
“Kamaimo kita malau mpaka ri Sapo i PUE.”
2 Weꞌi-weꞌi naratamo kami
ri bobaa kota Yerusalem.
3 Yerusalem saongu kota
to nibangu mpakaroso.
4 Ri seꞌimo rakalau tau-tau
to nipelisi PUE,
ala mantoiya sanga i PUE
nantuki atura to nipakatantu-Na ka to Israel.
5 Ri seꞌimo magau-magau muli i Daud
nantangara todea ira.
6 Posambayamo ka Kota Yerusalem iweꞌi:
“Perapi ala tau-tau to nompotowe kota etu matuwu maꞌama bo masana.
7 Perapi maꞌama pura tau riara kota etu,
bo masana pura-pura tau to nikalendu tembo-tembona.”
8 Nantora sampesuwu-sampesuwu bo wega-wegaku,
aku mosambaya, “Perapi kota Yerusalem maꞌama bo masana.”
9 Nantora Sapo i PUE, Alatala to nisombata,
aku mosambaya ala i PUE mowia to nabelona ka kota Yerusalem.