Dade nantora to Israel nalai nggari Tana Masir
114
Tempo to Israel nalai nggari Tana Masir,muli Yakub nompalasi ngata tau-tau to notesa basa ntanina etu.
2 bagia Yehuda nipajadi PUE petoꞌo-Na to nagasa,
Tana Israel nipajadi-Na petoꞌo poparenta-Na.
3 Tasi Lei nangowa nalai nanggita i PUE,a
bo Binangga Yordan nenonto noili.b
4 Bulu-bulu nekawantu-wantu ewa bimba tuama,
bunti-bunti nekawantu-wantu ewa ana bimba.c
5 E tasi, nokuya iko nangowa nalai?
He, Binangga Yordan, Nokuya iko nenonto noili?
6 E bulu-bulu, nokuya komi nekawantu ewa ana bimba tuama?
He, bunti-bunti, nokuya komi nekawantu ewa ana bimba?
7 E dunia, polaletemo ri ngayo i PUE,
ri ngayo Alatala to nisomba Yakub,
8 to nombabali bulu watu najadi kola nu ue,d
bo watu nakoꞌo nabali najadi mata nu ue!