PUE nombawai kuasa ka magau to nipelisi-Na
110
Dade i Daud.Weꞌimo tesa i PUE ka magauku:
“Kamai pekatokomo ri sabingga nggana-Ku,
sampe Aku mompowia pura-pura balimu
mekou ri jaꞌimu.”
2 Nggari Bulu Sion PUE kana mompakaroso komi moparenta;
komi kana moparenta ri tatongo bali-balimu!
3 Tempo komi marata ante kuasa ri bulu to nagasa,
todeamu kana marata ante dota rara mboto.
Kabilasa-kabilasa kana marata mantingayo komi,
ewa loi nu betuꞌe mpadondona.
4 Nojanjimo i PUE,
pade daꞌa mabali pekiri-Na,
“Ikomo topanggeni agama sampe ri kasae-saena,
nasimbayu ewa i Melkisedek.”a
5 PUE naria ri sabingga ngganamu manjaliku komi.
Tempo Iꞌa nombasuwuraka rau rara-Na Iꞌa kana mombadagi magau-magau.
6 Iꞌa kana mombasuku tau-tau nggari pura-pura ngata,
sampe watabaku ira damo nosiparumpi.
Iꞌa kana mompakaropu topoparenta-topoparenta ri njumaongu dunia.
7 Magau etu kana manginu ue binangga ri wiwi jala ala maroso;
naopu iꞌa nipakaroso, iꞌa kana majadi padagi.