PUE Magau sampe ri kasae-saena
93
PUE noparenta ewa Magau;Iꞌa neliu nggabete bo neliu nggakuasa.
Dunia nipakaroso-Na,
bo daꞌa namala ragagoya.
2 Ri lamba pamulana Komimo to nakuasana,
Komi batena naria nggari lamba pamulana sampe ri kasae-saaena.
3 O PUE, ue bete nompopoepe soona,
bo tasi nompakabete balumbana.
4 Tapi PUE to nakuasa ri suruga,
neliu nggabetepa nggari soo nu ue bete,
bo balumba ri tasi.
5 O PUE, Atura-atura-Mu daꞌa ria kabalina,
Sapo-Mu nagaya bo nagasa sampe ri kasae-saena.