Dade nantoiya Kota Yerusalem
87
Dade muli Korah. Dade nantoiya Alatala.Ri Bulu Sion to nagasana,
naria kota to nibangu Alatala.
2 Nggari pura-pura kota ri Tana Israel,
nipotowe i PUEpa Kota Yerusalem.
3 Umba komi to netoꞌo ri kota nu Alatala,
mpengele-ngele to nabelona niuli PUE nosinggawela ante kota komi.
4 Niuli-Na, “Todea Tana Masira bo Babel Kureke tau-tau to nosinjani ante Aku.
Iwetu woꞌu to Filistin, to Tirus bo to Etiopia.b
5 Kota Sionc kana rauli ntau iweꞌi:
“Todea nggari pura-pura ngata rareke todea riarana,
Alatala to Neliu Nggalanga kana mompakaroso kota etu.”
6 PUE kana mombasuaraka tau-tau nggari pura-pura ngata
majadi todea ri ngata Sion.
7 Ira kana motaro madamba-damba bo modade ante manguli,
“Nggari Kota Sionmo kita nantarima mpengele-ngele anu to nabelona!”