Posambaya merapi ala masalisa ratulungi
Mzm. 40:13-17
70
Dade i Daud ka topopalu dade tempo nombawai pesomba ala ratora i PUE.2 O Alatala, pakasalamamo aku!
PUE, pakasalisamo mantulungi aku!
3 Pakambamo tau to madota mompatesi aku
maingu bo maeya mboto matana.
Pakambamo tau to madota manggita aku mombarata kasusa,
rapopalai bo rapakaeya.
4 Pakambamo tau to nompongiri aku
manjili ntaliku bo maeya mboto matana.
5 Perapi pura-pura tau to nombasomba Komi,
madamba bo masana sabana nuapa to nipowia-Mu.
Perapi ira to nadamba nipakasalama-Mu,
batena manguli, “Alatalamo to Neliu Nggakuasa!”
6 O Alatala, aku eꞌi nandasa bo nakasiasi,
pakasalisamo marata!
Komimo Topantulungi bo Topompakasalama aku.
O PUE, neꞌe masae-saeka marata mantulungi aku!