Posambaya merapi rakalendu
61
Dade i Daud ka topopalu dade. Nipodade ante mokanda kacapi.2 O Alatala, epemo pekakaiku,
pariarantaꞌimo posambayaku.
3 Nggari tampa nu dunia aku nekakai ka Komi,
sabana naopumo raraku.
Kenimo aku ri petoꞌo to naꞌamana,
ri bulu watu to neliu nggalanga.
4 Sabana Komimo petoꞌo pekalenduku,
Komimo ewa tembo to naroso nanggalendu aku nggari baliku.
5 Waikamo aku metoꞌo ri Tenda-Mu to nagasana sampe kaopu katuwuku.
Kalendumo aku nasimbayu ewa manu nombaruta ana-anana.
6 O Alatala, niepe Komimo nuapa to nijanjiku ka Komi,
niwai Komi ka akumo rasi to nipakasadia ka tau to nombasomba Komi.
7 Perapi doa mandate umuru magau,
perapi iꞌa matuwu sampe manggita muli-mulina.
8 Perapi iꞌa moparenta sampe ri kasae-saena,a
ante pekeniaka Alatala.
Jagaimo iꞌa ante towe bo kabelo-Mu
to daꞌa ria kaopu-opuna.
9 Ante iwetu aku batena modade mantoiya Komi,
bo mombawai nuapa to nijanjiku ka Komi eo-eo.