Posambaya tempo mantingayo bali
54
Dade pepatuduki Daud ka topopalu dade, nitulisina 2 tempo tau to Zif nalau nosirata ka Magau Saul bo nanguli, “Daud netabuni ri jaꞌi kami.”a Nipodade ante nokanda kacapi.3 O Alatala, pakasalamamo aku ante kuasa-Mu;
salikumo aku ante karoso-Mu.
4 O Alatala, epemo posambayaku,
pariarantaꞌimo tesa-tesaku.
5 Sabana tau to nalanga rarana narata nangewa aku,
tau to nasombo madota mompatesi aku.
Ira daꞌa nombabila Komi.
6 Mpuꞌu-mpuꞌu Alatalamo topompakasalama aku;
Pue nanggalendu aku.
7 Waikamo powia jaꞌa bali-baliku mawela ira mboto,
pakaropumo ira sabana Komi batena nompakadupa janji-Mu ka aku.
8 O PUE, aku kana mombawai binata rapesomba ka Komi ante kasana rara,
aku kana mosukuru ri jaꞌi-Mu sabana Komi nabelo.
9 Komi nanggabasaka aku nggari mpengele kasusaku,
sampe aku nanggita baliku nidagi.