Posambaya tempo nisoko nikeni mpalai
(Umpu nggari Mazmur 42 )
43
O Alatala, salikumo aku riara mpotangara mantingayo tau-tau daꞌa natundu ri jaꞌi-Mu.Pakatantumo aku daꞌa nasala.
Kabasakamo aku nggari jaꞌi ntau najaꞌa bo topebagiu,
2 sabana Komimo Alatala to kupekalendu.
Nokuya Komi nompalasi aku?
Nokuya aku bate-batena nasusa
sabana nipandasa nu bali-baliku?
3 Pakanotomo reme bo tesa-Mu to nakono,
ala manggeni aku manjili bali mpaka ri Sion, bulu-Mu to nagasa,
ri sapo petoꞌo-Mu.
4 Jadi aku kana malau mpaka ri meja mpesomba ka Alatala,
mantingayo Alatala, puꞌu kasana bo kadamba raraku.
O Alatala, Alatalaku, aku kana mombatoiya Komi,
ante mokanda kacapi.
5 Notesamo aku riara ntaꞌiku, “Nokuya raraku nasusa bo nawulesa?
Aginapa aku manjarumaka Alatala!
Sabana aku kana mosukuru bali ri jaꞌi-Na,
ka Alatalaku, Topompakasalama aku!”