PUE Magau to nakuasa
24
Dade i Daud.PUEmo pue nu dunia bo pura-pura isina,
dunia bo pura-pura to netoꞌo riarana.
2 Iꞌamo to nombaboli longgu nu dunia ri bunggu tasi ri tambe dunia,
bo nompopekanggore dunia ri bunggu nu ue to nandalana.a
3 Isema to masipato mantende mpaka ri bulu i PUE?
Isema to masipato menggore ri sapo-Na to nagasana?
4 Aga tau to nabelo pokaingguna bo nanoa rarana,
to daꞌa nojanji dawa bo daꞌa nompakoni pue-pue ntanina.b
5 Tau etumo to rawai PUE ka rasi,
iꞌa rareke tau nanoa riara mpanggita Alatala to nompakasalama iꞌa.
6 Iwetumo inggu ntau to narata nantingayo Alatala,
to narata nombasomba Alatala to nisomba Yakub.
7 Bea mpakalogamo bobaa to nasae,
ala Magau to nakuasana mamala mesua.
8 Isema Magau to nakuasana etu?
Iꞌamo PUE to naroso bo nabaraka,
PUE to naroso riara mposibali.
9 Bea mpakalogamo bobaa to nasae,
ala Magau to nakuasana mamala mesua.
10 Isema Magau to nakuasana etu?
PUE to Neliu Nggakuasa,
Iꞌamo Magau to nakuasana!