PUE Topoewuku to nabelo
23
Dade i Daud.PUEmo Topoewuku,
daꞌa ria kapepaku.
2 Nipopaturu-Na aku ri kawoko to naramatana,
nikeni-Na aku ri ue to nalinona.
3 Niwai-Na ka aku karoso to nabou,
bo ninini-Na aku ri jala to nakonona
ala sanga-Na ratoiya.
4 Naupa aku nolumako ri jala karumauna,
aku daꞌa naeka rarata kasusa,
sabana Komi nomporoa aku.
Komi nombajagai aku
ewa topoewu nombajagai bimbana
ante lembau bo poboba sampe nawoemo raraku.
5 Nipakasadia-Mu panggoni ka aku
ri ngayo nu baliku.
Nitarima-Mu aku ewa torata
ante nombaboka minya ri balenggaku;a
nipakasadia-Mu panginu ka aku
to neliu nggadea.
6 Natantumo Komi kana mabelo ri jaꞌiku,
bo batena mompotowe aku sampe ri kaopu katuwuku.
Pade aku kana metoꞌo ri sapo-Mu,
sampe ri kasae-saena.