Kajaꞌa to nipowia manusia
14
Dade i Daud ka topopalu dade.Todoyo notesa riara ntaꞌina,
“Daꞌa ria Alatala.”
Najaꞌa bo natantoru pokainggu ira,
daꞌa ria to nowia belo.
2 Nggari suruga i PUE nompetiro manusia,
ala manggita ane maria tau nanoto, to nombasomba Iꞌa.
3 Tapi pura-pura tau nasalanjalamo bo najaꞌa,
daꞌa ria tau nowia belo, nau kamba sambaꞌa.
4 Nekutanamo i PUE, “Iwenumo? Daꞌapa nanoto rara tau-tau najaꞌa etu?
Ira aga nompakaopu todea-Ku ewa tau nadoko nanggoni tibo;
bo daꞌa sanggani nekakai ka Aku.”
5 Kana mawiora mpuꞌu rara ntau najaꞌa,
sabana Alatala nosanggani ka tau to nanoa.
6 Tau najaꞌa nompongei-ngei nia ntau nakasiasi,
tapi PUE nanggalendu ira.
7 Perapi PUE marata nggari Bulu Sion
mompakasalama to Israel!
Tempo i PUE mompakabelo todea-Na,
muli Yakuba kana madamba-damba.