PUE petoꞌo pekalendu
11
Dade i Daud ka topopalu dade.Ri jaꞌi PUE nipekalenduku;
jadi nokuya komi notesa ka aku iweꞌi:
“Palaimo masasinta mekalendu,
ewa tonji nembua mpaka ri buluna.
2 Sabana tau najaꞌa nompakasadia panana,
bo nompataka wilana,
ala mombapana tau to nabelo
nggari petoꞌo to narumauna.
3 Ane tau najaꞌa nompakagero atura-atura riara ngata,
natantumo tau nanoa daꞌa mamala mowia nuapa-nuapa.”
4 PUE naria ri Sapo-Na to nagasa,
Iꞌa noparenta nggari suruga.
Nipetiro-Na manusia ri dunia,
bo niparesa-Na pura-pura powia ira.
5 PUE nomparesa pokainggu tau nabelo bo tau najaꞌa;
Iꞌa nomporau rara tau to nompokono nangaꞌe.
6 Tau najaꞌa nisuku-Na ante kasusa,
ante ruti nu apu, watu to najelana bo poiri to nompakaboa.
7 Sabana i PUE nanoa;
Iꞌa nompotowe tau to nowia belo;
tau nanoa kana mosanggani-nggani ante i PUE.