Posambaya tempo nggawengina
4
Dade i Daud ka topopalu dade. Nipodade ante nokanda kacapi.2 O Alatala, Komimo topanjaliku aku;
ane aku mekakai ka Komi, sonomo aku.
Tempo aku riara kasusa, Komi topantulungi aku.
Poasi matamo aku bo epemo posambayaku.
3 E, komi tau-tau to nompakawau sangaku,
sakuyapa kasaena komi mowia iwetu?
Sakuyapa kasaena komi nompotowe to daꞌa ria gunana,
bo nombaraga to daꞌa nakonona?
4 Miki ranjani komi, PUE nompelisi sambaꞌa tau to nipotowe-Na,
majadi bagia-Na.
PUE mangepe
ane aku mekakai ri jaꞌi-Na.
5 Komi kana mpuꞌu-mpuꞌu maeka bo molalete,
bo neꞌe mana mowia silaka.a
Tondoakamo tesaku eꞌi,
pade pekirimo tempo mokagole ri paturu,
bo pekalinomo.
6 Waimo pesomba to nipakatantu i PUE,
bo parasayamo ri jaꞌi-Na.
7 Nadea tau nekutana, “Isema to mombawai belo ka kita?”
O PUE, perapi reme nggari jaꞌi-Mu mombawanta kami.
8 Komi nompakadamba raraku
neliu nggari tau to nadea asele mpokatona.
9 Aku nokagole bo naturu ante nasana,
sabana aga Komi, PUE, to nompowia katuwuku naꞌama.