Posambaya mpadondona tempo mantingayo bali
3
Dade i Daud, tempo iꞌa nalai nggari anana Absalom.a2 O PUE, nadea mpuꞌu baliku,
nadea mpuꞌu tau nangewa aku!
3 Nadeamo tau to nanguli,
“Alatala daꞌa ntoto mantulungi iꞌa.”
4 Tapi Komi, PUE,
najadi kaliawo pekalenduku.
Komi nombawai kuasa ka aku mombadagi baliku,
Komi nompakaroo raraku.
5 Aku nekakai ka i PUE,
pade nggari bulu-Na to nagasab Iꞌa nombasono aku.
6 Aku nekadungga bo naturu ante nasana,
bo nembangu woꞌumo mpadondona, sabana PUE nombasaro aku.
7 Aku daꞌa naeka ka njobu-njobu bali
to nantatiku aku nggari umba-umba.
8 O PUE, tulungimo aku;
Alatalaku, pakasalamamo aku nggari jaꞌi baliku.
Sukumo pura-pura baliku,
bo pakaropu kuasa ira ala ira mana mompakule mangewa aku.c
9 O PUE, Komimo puꞌu petulungi.
Perapi Komi mombawai rasi ka todea-Mu.