Posisala katuwu tau nanoa ante tau najaꞌa
1
Nasana mpuꞌu tauto daꞌa nantuki pepatuduki tau najaꞌa,
daꞌa nompasiala inggu tau nasilaka,
bo daꞌa nowega ka tau to nanjalai Alatala.
2 Tapi to nipodambana nantuki Atura i PUE,
eo wengi Atura etu nitondoakana.
3 Tau etu kana moasele riara pura-pura pokarajaana.
Iꞌa ewa kayu nituja ri wiwi nu ue,
to nowua ri tempona,
bo daꞌa ntoto nalele tawana.
4 Tapi daꞌa iwetu tau to najaꞌa.
Iꞌa ewa kuli mpae to nitawui mpoiri.
5 Sabana etu tau najaꞌa kana rasuku Alatala tempo ratangara,
pade daꞌa rareke todea nu Alatala.
6 Sabana tau nanoa ninini bo nikalendu i PUE,
tapi tau najaꞌa kana rapakaropu.