Tau-tau to natingguli nggari Tana Babel
2
Eꞌimo tau-tau nggari Propinsi Yehuda to nanjili nggari Tana Babel, petoꞌo ira nipobatua. Tau-tau etumo to nikeni mpalai Magau Nebukadnezar mpaka ri Tana Babel nggaulu. Pade ira etu natingguli bali mpaka ri Kota Yerusalem bo ri Bagia Yehuda, mpaka ri kota ira sambaꞌa bo sambaꞌa. 2 Ira narata mpasanggani-nggani ante i Zerubabel, Yesua, i Nehemia, i Seraya, i Reelaya, i Mordekhai, i Bilsan, i Mispar, i Bigwai, Rehum bo i Baana.Eꞌimo sanga-sanga to Israel etu:
3 muli Paros, ronjobu satu pitumpulu bo rombaꞌa;
4 muli Sefaca, toluatu pitumpulu bo rombaꞌa;
5 muli Arah, pituatu pitumpulu bo lima mbaꞌa;
6 muli Pahat-Moab, etumo muli Yesua bo Yoab, ronjobu waluatu sampulu bo rombaꞌa;
7 muli Elam, sanjobu roatu limampulu bo patambaꞌa;
8 muli Zatu, sioatu patampulu bo lima mbaꞌa;
9 muli Zakai, pituatu onompulu mbaꞌa;
10 muli Bani, onoatu patampulu bo rombaꞌa;
11 muli Bebai, onoatu rompulu bo tolumbaꞌa;
12 muli Azgad, sanjobu roatu rompulu bo rombaꞌa;
13 muli Adonikam, onoatu onompulu bo aono mbaꞌa;
14 muli Bigwai, ronjobu limampulu bo aono mbaꞌa;
15 muli Adin, patatu limampulu bo patambaꞌa;
16 muli Ater, etumo muli Hizkia, siompulu bo walu mbaꞌa;
17 muli Bezai, toluatu rompulu bo tolumbaꞌa;
18 muli Yora, satu sampulu bo rombaꞌa;
19 muli Hasum, roatu rompulu bo tolumbaꞌa;
20 muli Gibar, siompulu bo lima mbaꞌa.
21 Tau-tau nggari Kota Betlehem, satu rompulu bo tolumbaꞌa;
22 tau-tau nggari Kota Netofa, limampulu bo aono mbaꞌa;
23 tau-tau nggari Kota Anatot, satu rompulu bo walu mbaꞌa;
24 tau-tau nggari Kota Asmawet, patampulu bo rombaꞌa;
25 tau-tau nggari Kota Kiryat-Arim, Kota Kefira bo Kota Beerot, pituatu patampulu bo tolumbaꞌa;
26 tau-tau nggari Kota Rama bo Kota Gaba, onoatu rompulu bo sambaꞌa;
27 tau-tau nggari Kota Mikhmas, satu rompulu bo rombaꞌa;
28 tau-tau nggari Kota Betel bo Kota Ai, roatu rompulu bo tolumbaꞌa;
29 tau-tau nggari Kota Nebo, limampulu bo rombaꞌa;
30 tau-tau nggari Kota Magbis, satu limampulu bo aono mbaꞌa;
31 tau-tau nggari Kota Elam ntanina, sanjobu roatu limampulu bo patambaꞌa;
32 tau-tau nggari Kota Harim, toluatu rompulu mbaꞌa;
33 tau-tau nggari Kota Lod, Kota Hadid bo Kota Ono, pituatu rompulu bo lima mbaꞌa;
34 tau-tau nggari Kota Yerikho, toluatu patampulu bo lima mbaꞌa;
35 tau-tau nggari Kota Senaa, tolunjobu onoatu tolumpulu mbaꞌa.
36 Eꞌimo topanggeni-topanggeni agama:
muli Yedaya nggari muli Yesua, sioatu pitumpulu bo tolumbaꞌa;
37 muli Imer, sanjobu limampulu bo rombaꞌa;
38 muli Pasyhur, sanjobu roatu patampulu bo pitumbaꞌa;
39 muli Harim, sanjobu sampulu pitumbaꞌa.
40 Eꞌimo muli Lewi:
muli Yesua bo i Kadmiel, etumo muli Hodawya, pitumpulu bo patambaꞌa.
41 Eꞌimo tau-tau topodade to nodade ri Sapo Mpepue:
muli Asaf, satu rompulu bo walu mbaꞌa.
42 Eꞌimo muli topojaga bobaa Sapo Mpepue:
muli Salum, muli Ater, muli Talmon, muli Akub, muli Hatita bo muli Sobai, pura-pura satu tolumpulu bo siombaꞌa kadeana.
43 Eꞌimo topokarajaa-topokarajaa ri Sapo Mpepue:
muli Ziha, muli Hasufa, muli Tabaot,
44 muli Keros, muli Siaha, muli Padon,
45 muli Lebana, muli Hagaba, muli Akub,
46 muli Hagab, muli Samlai, muli Hanan,
47 muli Gidel, muli Gahar, muli Reaya,
48 muli Rezin, muli Nekoda, muli Gazam,
49 muli Uza, muli Paseah, muli Besai,
50 muli Asna, muli Meunim, muli Nefusim,
51 muli Bakbuk, muli Hakufa, muli Harhur,
52 muli Bazlut, muli Mehida, muli Harsa,
53 muli Barkos, muli Sisera, muli Temah,
54 muli Neziah, bo muli Hatifa.
55 Eꞌimo muli batua-batua i Salomo:
muli Sotai, muli Soferet, muli Peruda,
56 muli Yaala, muli Darkon, muli Gidel,
57 muli Sefaca, muli Hatil, muli Pokheret-Hazebaim, bo muli Ami.
58 Kadea pura-pura topokarajaa ri Sapo Mpepue bo muli batua-batua i Salomo toluatu siompulu bo rombaꞌa.
59 Eꞌimo tau-tau to natingguli nggari Kota Tel-Melah, Kota Tel-Harsa, Kota Kerub, Kota Adan bo Kota Imer, tapi ira daꞌa namala nompopokita ane ira muli tau-tau to Israel:
60 muli Delaya, muli Tobia, muli Nekoda, onoatu limampulu bo rombaꞌa.
61 Pade naria woꞌu muli topanggeni-topanggeni agama Yahudi, etumo:
muli Habaya, muli Hakos, bo muli Barzilai. (Barzilai nomporongo sambaꞌa ana besi Barzilai tau nggari Bagia Gilead, sampe iꞌa nipoposanga nantuki sanga ira santina etu.)
62 Ira nangelo sanga-sanga ira riara buku tuntu sanga-sanga ntotuꞌa ira nggaulu, tapi daꞌa nirata ira. Sabana etu ira nireke daꞌa masipato raonggotaka majadi topanggeni agama. 63 Pade gubernur Bagia Yehuda nombatagi ira manggoni panggoni to nipesomba ka Alatala to Neliu Nggagasa ane daꞌapa maria topanggeni agama to mompakatantu etu ante mompake Urim bo Tumim.a
64 Jadi kadea ntodea to nanjili nggari petoꞌo ira nipobatua etu, patampulu ronjobu toluatu bo onompulu mbaꞌa. 65 Ntanina nggari ira etu naria woꞌu batua-batua ira, nabelo ka langgai nabelo ka besi, kadeana pitu njobu toluatu tolumpulu bo pitu mbaꞌa. Pade naria woꞌu roatu mbaꞌa topodade, nabelo ka langgai nabelo ka besi. 66 Ira nanggeni pituatu tolumpulu bo aono ongu jara, roatu patampulu bo alima ongu bagal, 67 patatu tolumpulu bo alima ongu unta, bo aono njobu pituatu bo rompulu ongu keledai.
68 Tempo narata ri Sapo Mpepue ri Kota Yerusalem, bara sakuya mbaꞌa topanggeniaka mbira ira santina nombawai petulungi nggari dota rara ira mboto rapombabangu Sapo Mpepue ri petoꞌo pamulana. 69 Ira nombawai nantuki pompakule ira sambaꞌa bo sambaꞌa mantulungi pokarajaa etu. Kadeana limatu kilo bulawa, tolunjobu kilo salaka bo satu ntonga baju topanggeni agama.
70 Topanggeni-topanggeni agama, tau-tau to Lewi bo sabagia nggari todea, topodade-topodade, topojaga-topojaga pewobo bo topokarajaa-topokarajaa ri Sapo Mpepue netoꞌo ri kota-kota ira mboto. Iwetu woꞌu pura-pura to Israel ntanina, simbau netoꞌo ri kota ira mboto.