Kakuasa Magau Ahasyweros bo Mordekhai
10
Magau Ahasyweros nompasuꞌu todea ri njumaongu poparentana mombabayari balasitee, nabelo ka tau to netoꞌo ri wiwi ntalinti, nabelo ka tau to netoꞌo nakawao nggari talinti. 2 Pura-pura powia Magau Ahasyweros to nabete bo nakuasa, nosanggani ante tesa to naganana iwenu iꞌa nangonggotaka i Mordekhai najadi tau to neliu nggalanga panggana, etu pura-pura nitulisi riara buku tuntu magau Media bo Persia. 3 Mordekhai to Yahudi etu batena nombarata pekatoko to nalangana riara poparenta Magau Ahasyweros. Pade i Mordekhai woꞌu nibila bo nipokono ntau to Yahudi, sabana iꞌa nompasimbuku nompakasalama bo nompakabelo katuwu ira simbau to Yahudi bo muli-muli ira.