Tana to nipobagia ka suku Simeon
19
Nomoro karonguna nawela suku Simeon nantuki butu-butu ongu njapo ira. Tana nipobagia ka ira naria riara tana bagia suku Yehuda. 2-6 Ira niwai ka sampulu rongu kota ante ngata-ngata ri sinjorina, etumo:Bersyeba, Syeba, Molada, Hazar-Sual, Bala, Ezem, Eltolad, Betul, Horma, Ziklag, Bet-Hamarkabot, Hazar-Susa, Bet-Lebaot, bo Saruhen.
7 Naria woꞌu ampa kota ante ngata-ngata ri sinjorina, etumo: Ain, Rimon, Eter, bo Asan. 8 Nesua wo'u pura-pura ngata ri ntalili kota-kota etu sampe nakawao narata ri ngata Baalat-Beer (to niuli woꞌu Rama) ri tana sabingga puluna.
Etumo tana to niwai ka suku Simeon nantuki butu-butu ongu njapo ala majadi bagia ira. 9 Tana to niwai ka suku Simeon niala nggari bagia suku Yehuda, sabana tana nibagi ka suku Yehuda neliu nggadea. Jadi sabagia tana etu niwai ka suku Simeon.
Tana to nipobagia ka suku Zebulon
10 Nomoro katoluonguna nawela suku Zebulon nantuki butu-butu ongu njapo ira. Kabingga tana to nipobagia ka ira sampe narata ri Sarid. 11 Nggari Sarid kabingga tana ri sabingga kasolona napola mpaka ri ngata Marala, pade nawela ngata Dabeset bo binangga nggedi ri sabingga pebulu ngata Yokneam. 12 Kabingga ri sabingga pebuluna nompamula nggari Sarid napola mpaka ri kabingga ngata Khislot-Tabor, napola mpaka ri ngata Dobrat, pade nantende mpaka ri ngata Yafia. 13 Nggari saꞌa kabingga tana etu napola mpaka ri ngata Gat-Hefer bo Et-Kazin, napola ri Rimon pade negoli mpaka ri Nea. 14 Ri sabingga tasina, kabingga tana etu negoli mpaka ri ngata Hanaton bo pantaꞌana ri Lemba Yiftah-El. 15 Riara bagia suku Zebulon etu nesua wo'u kota-kota eꞌi:
Katat, Nahalal, Simron, Yidala bo Betlehem.
Kadeana sampulu rongu kota ante ngata-ngata ri sinjorina. 16 Etumo kota-kota ante ngata-ngatana to naria ri tana to niwai ka suku Zebulon nantuki butu-butu ongu njapo ala majadi bagia ira.
Tana to nipobagia ka suku Isakhar
17 Nomoro kaampana nawela suku Isakhar nantuki butu-butu ongu njapo ira. 18 Ri tana nipobagia ka ira naria kota-kota eꞌi:
Yizreel, Kesulot, Sunem, 19 Hafaraim, Sion, Anaharat, 20 Rabit, Kisyon, Ebes, 21 Remet, En-Ganim, En-Hada, bo Bet-Pazes.
22 Kabingga tana ira nawela ngata Tabor, ngata Sahazima, ngata Bet-Semes, pade pantaꞌana ri Binangga Yordan; kadeana sampulu aono kota ante ngata-ngata ri sinjorina. 23 Etumo kota-kota ante ngata-ngatana to naria ri tana to niwai ka suku Isakhar nantuki butu-butu ongu njapo ala majadi bagia ira.
Tana to nipobagia ka suku Asyer
24 Nomoro kaalimana nawela suku Asyer nantuki butu-butu ongu njapo ira. 25 Ri tana nipobagia ka ira naria ngata-ngata e'i:
Kabingga tana ira ri sabingga kasolona narata ri Bulu Karmel bo ri Binangga Libnat. 27 Nggari setu kabingga tana ira etu negoli mpaka ri kamataeona mpaka ri Bet-Dagon pade nawela kabingga tana suku Zebulon bo Lemba Yiftah-El, pade napola mpaka ri tasina mpaka ri Bet-Emek bo Nehiel. Pade kabingga etu napola wo'u ri sabingga tasina mpaka ri ngata Kabul, 28 ngata Ebron, ngata Rehob, ngata Hamon bo ngata Kana sampe narata ri kota Sidon Bete. 29 Nggari setu kabingga tana etu negoli mpaka ri ngata Rama napola sampe ri kota Tirus, etumo saongu kota to naria tembo pekalendu. Naopu etu kabingga tana etu negoli wo'u mpaka ri Hosa pade pantaꞌana ri Tasi Tongo. Riara pobingga-pobingga tana etu nawela ngata-ngata e'i:
kadeana rompulu bo rongu kota ante ngata-ngata ri sinjorina. 31 Etumo kota-kota ante ngata-ngatana to naria ri tana to niwai ka suku Asyer, nantuki butu-butu ongu njapo ala majadi bagia ira.
Tana to nipobagia ka suku Naftali
32 Nomoro kaaonona nawela suku Naftali nantuki butu-butu ongu njapo ira. 33 Kabingga tana nipobagia ka ira nompamula ngari Helef, nggari kayu bete ri Zaananim, napola mpaka ri Adami-Nekeb bo ngata Yabnel, sampe ri ngata Lakum, pade pantaꞌna ri Binangga Yordan. 34 Nggari setu kabingga tana etu negoli mpaka ri kasolona mpaka ri Asnot-Tabor, pade nggari saꞌa mpaka ri ngata Hukok. Ri sabingga puluna tana etu nokabingga ante tana suku Zebulon, ri sabingga kasolona ante tana suku Asyer, bo ri sabingga pebuluna ante tana suku Yehuda ri wiwi Binangga Yordan. 35 Kota-kota to naria tembo pekalendu etumo:
Zidim, Zer, Hamat, Rakat, Kineret, 36 Adama, Rama, Hazor 37 Kedes, Edrei, En-Hazor, 38 Yiron, Migdal-El, Horem, Bet-Anat, bo Bet-Semes.
Kadeana sampulu sasio kota ante ngata-ngata ri sinjorina. 39 Etumo kota-kota ante ngata-ngatana to naria ri tana to niwai ka suku Naftali, nantuki butu-butu ongu njapo ala majadi bagia ira.
Tana to nipobagia ka suku Dan
40 Nomoro kapapituna nawela suku Dan nantuki butu-butu ongu njapo ira. 41 Tana nipobagia ka ira naria ri kota eꞌi:
Zora, Esytaol, Ir-Semes, 42 Saalabin, Ayalon, Yitla, 43 Elon, Timna, Ekron, 44 Elteke, Gibeton, Baalat, 45 Yehud, Bene-Berak, Gat-Rimon, 46 Me-Yarkon, Rakon, bo tana ri sinjori ngata Yope wo'u.
47 Tana to niwai ka suku Dan napigu gaga rapeto'o ira pura-pura. Jadi nalaumo ira nombasuaki kota Lasem ri sabingga tasina. Kota etu namala ka ira, todeana nipatesi, pade neto'omo suku Dan ri setu. Kota Lesem etu nibali ira sangana najadi kota Dan, nantuki sanga ntotu'a ira nggaolu, i Dan. 48 Etumo kota-kota ante ngata-ngata ri sinjorina to naria ri tana to niwai ka suku Dan nantuki butu-butu ongu njapo majadi bagia ira.
Tana to nipobagia ka Yosua
49 Sangga naopu todea Israel nobagi-bagi tana ri Tana Kanaan etu, ira nombawai ka Yosua, ana i Nun, sabagia tana majadi tana bagiana ri tatongo ira 50 Ewa to niparenta i Pue, ira nombawai ka iꞌa kota to niperapina, etumo Timnat-Serah ri bulu Efraim. Pade Yosua nombabangu mpanjili kota etu pade netoꞌo ri setu.
51 Iwetu puramo tana to niwai Eleazar topanggeni agama, bo Yosua ana i Nun, ante totuꞌa-totuꞌa todea Israel ka suku-suku to Israel. Tana etu nibagi-bagi ira ante nowia nomoro ri ngayo i PUE ri pewobo Tenda Mpepue ri ngata Silo. Ante iwetu naopumo pobagi tana etu.