David n da zabi faaɛn Rabba la
20
1 Li da anɛ ʋʋn, saŋa kanɛ ka na'anam ken zaba la, Joab n da gaad zabzabidib la tuon ka ba keŋ san'am Ammon dim teŋ la, amaa David da kpɛlim Jerusalem. Joab nɛ Israel dim da nyaŋ Ammon dim la ka lɔbi gilig Rabba linɛ aan ba teŋ tita'ar la san'am san'ami li. 2 David da nɔki ba na'ab la na'am zupibig dinɛ an sanlima ka tɛbis hali la, ka ba zaŋ kugbanɛ vɛnl ka li ligidi zu'oe la sɛɛn tabili li. Ka zaŋi li pil David. O da vaae la'ad bɛdegʋ yi teŋin la. 3 Ka mɔr nimbanɛ bɛɛ anina la yina bɔ tʋʋma tisi ba ka ba tʋm nɛ liemis nɛ kunya. O da maal ala Ammon dim tɛɛnsin la wʋsa. Ka David nɛ o zabzabidib la wʋsa lɛb Jerusalem.Ban zab nɛ Filistia dim la
4 Li da paae saŋsi'a ka zabsi'a bɛ nɛ Filistia dim la Giza teŋin. Saŋa kan la Sibɛkai onɛ an Husea nid la da kʋ Saf, o da anɛ Refa nid, ka nyaŋ Filistia teŋ dim la sʋ'ʋgi ba.
5 Zabir yinne da lɛn zab nɛ Filistia dim la. Elhanan onɛ an Jair biig la da kʋ Goliyaf onɛ an Gaf nid la ba'abiig ka o mɔr kpan ka li daug la mugum nwɛnɛ yu'adir nɛ.
6 Zabsi'a da bɛ Gaf ya'as, ka dau tita'ar bɛɛ ani mɔr nu'ubibis ayuob, yuob nɛ nɔbibis ayuob, yuob. O nu'ubibis nɛ nɔbibis la da la'as nɛ pisi nɛ anaasi. O da anɛ Refa nid. 7 O da nɛ'ɛs Israel dim la, ka Jonatan kʋʋ o. Jonatan ba' da anɛ David bier Simie. 8 Bama wʋsa da anɛ Refa dim banɛ yi Gaf teŋin na, ka David nɛ o nidib la da kʋʋ ba.