Juda dim la paami ba teŋ
15
1 Juda dim la da di'e ba teŋ pʋʋr ka li dɔl tuŋ-tuŋ. Ban da di'e si'el la da yinɛ Edom dim titɔndigin, Zin sian'arin linɛ lɛbid ya-dagɔbʋg baba la. 2 Ba titɔndig nwa da pin'il nɛ Yaarim Tɛuk ya-dagɔbʋg baba, 3 ka naam Akirabim Suor la ti paae Zin, ka dɔl Kades Banɛa ya-dagɔbʋg keŋ sig Heziron paae Addar, ka gɔnligi keŋ Karka, 4 ka tʋgisi paae Azimon, dɔl kɔlbil linɛ bɛ Egipt teŋ titɔndigin la ti naae Atɛuk baba. Juda dim sʋ'ʋlim linɛ lɛbis ya-dagɔbʋg la bɛnnɛ la. 5 Titɔndig kanɛ bɛ ya-nya'aŋ baba la dɛn'ɛn nɛ Yaarim Tɛuk la hali ti paae Joodan kɔldaug la nɔɔrin.Ka ba titɔndig kanɛ bɛ ya-datiuŋ la da yii anina 6 hali ti paae Bet-Hogla, keŋ paae Bet Araba, ka tʋgisi paae Bohan Kugir (Bohan da anɛ Reuben biig). 7 Titɔndig la da yi ani dɔl Akor Bɔn'ɔg la ti paae Debir ka gɔnligi kpa'ad ya-datiuŋ baba ti paae Gilgal, teŋ kanɛ kpa'ad Adumim Suor linɛ bɛ bɔn'ɔg ya-dagɔbʋg nɔɔrin la sa, ka yʋ'ʋn yi Een-Semes kɔlisin la ti paae Een-Rogel; 8 ani ka li gaadi dɔl Hinnom Biis bɔn'ɔgin la, dɛn'ɛn Jebus dim tempʋʋg, linɛ an Jerusalem la, ya-dagɔbʋg baba, ka titɔndig la lɛn yi paae zuor kanɛ bɛ Hinnom bɔn'ɔg tuon, lɛbisid Refa Dim Bɔn'ɔg ya-datiuŋ la; 9 ka yii ani keŋ Nefitoa kɔlisin dɔl tɛɛns banɛ bɛ Efiron zuorin la; ani ka li yii ti paae Baal, teŋ kanɛ ka ba buon zina ye Kiriaf Jiarim la; 10 ka titɔndig la yii ani ken ya-tuona gɔnligi kpa'ad Edom zuoya teŋ la, ka yi Jiarim zuor (Keasalon zuor la), sigi ti paae Bet Semes nɛ Timna tɛɛnsin; 11 ka tʋgisi kpa'ad ya-datiuŋ la keŋ yi sisɛrim linɛ bɛ Ekron tuon ka yuki lɛb Sikɛron n gaad Baal zuor nɛ Jabineel, ka naae Atɛuk baba. 12 Titɔndig kanɛ bɛ ya-tuona baba la dɛn'ɛn nɛ Atɛuk Tita'ar la.
Bama da an titɔndis banɛ da gilig Juda dim sʋ'ʋlim la.
Kaleb nyaŋ Hebron nɛ Debir
13 Ba da tis Kaleb onɛ an Jefune biig la zin'ikanɛ bɛ Juda dim sʋ'ʋlimin, nwɛnɛ Zugsɔb la yɛl Josua si'em la. O da di'e Hebron, teŋ kanɛ ka Ariba da sʋ'oe ka o saam an Anak la. 14 Kaleb da kad Anak biis atan' la yis teŋ la ni; banɛ an Siesai nɛ Ahiman nɛ Talimai la. 15 Ka yii ani keŋ zab nɛ banɛ bɛ Debir tempʋʋgin la, (ba da dɛŋi buon teŋ kan la ye Kiriaf Seefa). 16 Ka Kaleb yɛl ye, “M na zaŋi m pu'ayua Akisa tis dau kanɛ wʋsa zabi nyaŋ Kiriaf Seefa ka o di.” 17 Ofniel onɛ da an Kenas biig ka Kenas mɛ an Kaleb pitʋ la da zabi nyaŋ ka Kaleb zaŋ o pu'ayua Akisa tis o ka o di. 18 On da paae Ofniel yin la, daar yinne Akisa da yɛl o sid ye, “Asɛɛ fʋ yɛli m saam ka o tisif paalʋ.” Ka pu'a la da naanɛ o bʋŋ la zugʋ sig la, o saam Kaleb bu'os o ye, “Fʋ bɔɔd ye m maal bɔɔ tisi fɔ?” 19 O da lɛbis ye, “Maalim si'el sʋ'ʋŋa tisim. Fʋn sadigim tisim paalʋ Negef teŋin la, mɛ tisim bulig.” Ka Kaleb tis o bulis ayi', linɛ bɛ zugin nɛ linɛ bɛ teŋir la.
20 Tembama ka Juda nidib paam ka li aan ba bʋn.
21 Ka tembanɛ bɛ ya-dagɔbʋg ka aan ba zin'is ka kpi'e nɛ Edom sʋ'ʋlim la anɛ: Kabziel nɛ Eder nɛ Yaagur 22 nɛ Kiina nɛ Diimona nɛ Adada 23 nɛ Kedes nɛ Hazo nɛ Itinan 24 nɛ Zif nɛ Telem nɛ Bealof 25 nɛ Hazo Hadata nɛ Keriof Heziron (bɛɛ Hazo) 26 nɛ Amam nɛ Sema nɛ Molada 27 Hazar Gadda nɛ Hesmon nɛ Bet Pelet 28 nɛ Hazar Sual nɛ Beerseba nɛ Bizofea 29 nɛ Baal nɛ Iyim nɛ Ezem 30 nɛ Eltolad nɛ Kesiil nɛ Horma 31 nɛ Ziklag nɛ Madmana nɛ Sanana 32 nɛ Lebaof nɛ Silihim nɛ Ayin nɛ Rimmon. Tembama wʋsa la'as nɛ tɛɛns pisi nɛ awai, la'am nɛ tembibis banɛ giligi ba la.
33 Tembanɛ bɛ Sefela teŋgbauŋʋn la da anɛ Esitaol nɛ Zora nɛ Asina 34 nɛ Zanoak nɛ Een-Ganim nɛ Tapua nɛ Enam 35 nɛ Jarimuf nɛ Adullam nɛ Soko nɛ Azeka 36 nɛ Siaaram nɛ Aditam nɛ Gedera nɛ Gederofam. Tembama wʋsa la'as nɛ tɛɛns pii nɛ anaasi, la'am nɛ tembibis banɛ giligi ba la.
37 Linɛ pɛ'ɛs da anɛ Zenan nɛ Hadasea, nɛ Migdal-Gad 38 nɛ Dilean nɛ Misipa nɛ Jokteel 39 nɛ Lakis nɛ Bozikaf nɛ Eglon 40 nɛ Kabon nɛ Lahimam nɛ Kitiliis 41 nɛ Gederof nɛ Bet Dagon nɛ Naama nɛ Makeda. Tembama wʋsa la'as nɛ tɛɛns pii nɛ ayuobʋ, la'am nɛ tembibis banɛ giligi ba la.
42 La'am nɛ Libna nɛ Eter nɛ Asean 43 nɛ Ifita nɛ Asina nɛ Neziib 44 nɛ Kiela nɛ Akizib nɛ Maresa. Tembama wʋsa la'as nɛ tɛɛns awai, la'am nɛ tembibis banɛ giligi ba la.
45 Linɛ pɛ'ɛs anɛ Ekron teŋ nɛ li tembibis 46 nɛ tɛɛns banɛ da bɛ Asdod teŋ sʋ'ʋlimin, lin yi Ekron ya-tuona la, 47 Asdod nɛ Gaza tɛɛns nɛ ba tembibis, teŋgbauŋ nwa wʋsa linɛ paae kɔlbil linɛ bɛ Egipt teŋ titɔndigin gat Atɛukʋn la. 48 Tembanɛ da bɛ kʋkʋna ni la da anɛ Siamir nɛ Jatir nɛ Soko 49 nɛ Dana nɛ Kiriaf Seefa (bɛɛ Debir) 50 nɛ Anab nɛ Esitemo nɛ Anim 51 nɛ Gosen nɛ Holon nɛ Gilo. Tembama wʋsa la'as nɛ tɛɛns pii nɛ yinne, la'am nɛ tembibis banɛ giligi ba la.
52 Tembanɛ da la'am bɛ anɛ Arab nɛ Duma, nɛ Esean 53 nɛ Yaanim nɛ Bet Tapua nɛ Afeka 54 nɛ Humta nɛ Kiriaf Ariba, linɛ an Hebron la, nɛ Zior. Tembama wʋsa la'as nɛ tɛɛns awai, la'am nɛ tembibis banɛ giligi ba la.
55 Tembanɛ da la'am bɛ anɛ Maon nɛ Kaamel nɛ Zif nɛ Jueta 56 nɛ Jezireel nɛ Jokdeam nɛ Zanoak 57 nɛ Kain nɛ Gibea nɛ Timna. Tembama wʋsa la'as nɛ tɛɛns piiga, la'am nɛ tembibis banɛ giligi ba la.
58 Tembanɛ da la'am bɛ anɛ Halhuol nɛ Betzur nɛ Geduor 59 nɛ Maaraf nɛ Bet Anof nɛ Eltekon. Tembama wʋsa la'as nɛ tɛɛns ayuobʋ la'am nɛ tembibis banɛ giligi ba la.
60 Kiriaf Baal (bɛɛ Kiriaf Jiarim) nɛ Rabba tɛɛns mɛ da bɛ, la'am nɛ tembanɛ giligi ba la.
61 Tembanɛ da bɛ mɔɔgin la anɛ Bet Araba nɛ Midin nɛ Sekaka 62 nɛ Nibisan nɛ Yaarim Teŋ la nɛ En-Gedi. Tembama wʋsa la'as nɛ tɛɛns ayuobʋ, la'am nɛ tembibis banɛ giligi ba la.
63 Amaa Juda dim la da pʋ nyaŋi yis Jebus dim banɛ da bɛ Jerusalem teŋin laa. Jebus dim la nan kpɛm bɛ Juda teŋin zina.