Zi'elʋg Tiɛnr
Gbauŋ nwa yɛla
Zi'elʋg tiɛnr gbauŋ la yɛti ti nɛ dinɛ da naam Israel dim la da giilim sian'arin la yʋma pisnaasi ka yʋ'ʋn ti'ebid ye ba kpɛn' Keenan la. Moses da tiɛn nidib la Wina'am tʋm si'el wʋsa tisi ba ka mɔri ba paae kpɛla na la. O da lɛn tiɛn ba Wina'am wada la yɛti ba ban na bɛ si'em tempaal kanɛ ka Wina'am tisidi ba ye ba bɛ la. Wina'am da pʋ siak ka Moses lɔ'ɔŋ Joodan kɔldaug la kpɛn' teŋ kanɛ ka o yɛli zi'el ye o na tisi ba la, amaa o da tiesnɛ lalli bigis o. Moses da kpiya ka ba mum o Moab teŋin. Gbauŋ la naarin la yɛt ye: Nɛ'ɛŋa an teŋ kanɛ ka m pɔ nɔɔri zi'el Abraham nɛ Isaak nɛ Jakob, man da yɛli ba ye, m na nɔki li tisi ba yaas la. Tɔ, m kɛya ka fʋ nyɛɛ li nɛ fʋ nini, amaa fʋ kʋ lɔ'ɔŋi kpɛn' ani.