Kaalʋg
Gbauŋ nwa yɛla
Kaalʋg gbauŋ la yɛti ti nɛ dinɛ da maal yʋma pisnaasi (40) banɛ ka Moses da mɔr Israel nidib la dɔl sian'arin la. Saŋa pamm, nidib la da mɔri sʋnsa'aŋ ka ba sʋnf pɛligid nɛ Moses nɛ Wina'am. Ba da yɛt ye ba ya'a kpɛlimin Egipt li naan sɔn'ɔn bɔzugɔ ba tam ban daa an yammis ka li an si'em la nɛ. Amaa la'am nɛ wala, Wina'am da gɔsidi ba nɛ ka yɛt Moses on na yɛli ba si'el nɛ on na dɔlli ba si'em ka ba na nyaŋi paae teŋ kanɛ ka o ye o tisi ba la titɔndigin. Ban da ken la, nɔɔr ayi' ka Wina'am yɛl Moses ye o kaalim nidib la wʋsa (Yɛlkʋda zug 1 nɛ 26). Dinzug ka gbauŋ la yʋ'ʋr an “Kaalʋg” la.