Josua
Gbauŋ nwa yɛla
Josua gbauŋ la pa'annɛ Josua da di'e Moses tuon gaadʋg ka mɔr Israel nidib la lɔ'ɔŋ Joodan kɔldaug la kpɛn' Keenan teŋin la. Teŋ kaŋa da anɛ kʋ'ʋlʋm teŋ ka Wina'am nɔki tis o nidib la ka ba bɛɛ ani amaa li da anɛ ye ba zab ka Wina'am sʋŋi ba ka ba kad nimbanɛ da bɛɛ ani la. Ba da pin'ili nyaŋ Jeriko teŋ la amaa ba da pʋ kad nidib la wʋsa yis Keenan teŋin la, ka nɛ'ɛŋa da zi yɛla na. Amaa Josua da pʋdig teŋ la ka digil dɔɔd pii nɛ ayi' banɛ aan ba yaab Jakob, onɛ ka Wina'am mɛ da pʋd ye Israel la tuŋ la paalʋ. O da tis Levi dim tempʋʋg ka ba la'am bɛnɛ dɔɔd pii nɛ yinne la, bɔzugɔ banɛ da zi'e nidib la nɔba zugʋ tʋmmi tisid Wina'am. Josua da yɛl nidib la ye ba dɔl Wina'am nɛ ba sʋnf wʋsa ka lin nya'aŋ ka o kpi.