Na'atana di'ema yɛla
29
1 Nwadkanɛ paasida ayɔpɔi la pin'ilʋg daar, yanam on la'as taaba nimmua la'asʋg dabisir kanɛ an mam Zugsɔb la din, ka da tʋm tʋʋm si'a daar kanɛ. Li daar anɛ Na'atana Piebʋg dabisir. 2 Ya na nɔk na'araug nɛ pɛraug nɛ pɛribis ayɔpɔi banɛ an yʋʋm yinne, ka ka' dɛŋŋa, maal nyu'or maan linɛ nyuugʋ malisi tis Zugsɔb la. 3 Zaŋimi naaf la maali zʋʋd maan linɛ an zɔmbaanligi gɛndig nɛ kpaam kuriba ayuobʋ, la'am nɛ pɛraug la mɛn kuriba anaasi. 4 Ala nɔɔ ka ya na maal nɛ pɛribis ayɔpɔi la kuriba ayi', yi'. 5 Ka paas bʋribig yinne maal tʋʋmbɛ'ɛd maan ka li na sɔs suguru tisi ya. 6 Bama paas nɛ nwadig wʋsa nɛ daar wʋsa nyu'or maan nɛ zʋʋd maan nɛ bʋnnuuda maan wʋʋ lin zi'el si'em la. Li anɛ maan linɛ nyu'od bugum, ka li nyuug malisi tis Zugsɔb la.Suguru sɔsʋg malʋŋ dabisir
7 Nwadkanɛ paas ayɔpɔi la dabpiiga daar, yanam on la'as taaba nimmua la'asʋg linɛ an Zugsɔb la din. Asɛɛ ya lɔ nɔɔr ka da tʋm tʋʋm si'a daakanɛ. 8 Nɔkimi na'arapɔlli maal nyu'or maan nɛ pɛraug nɛ pɛribis ayɔpɔi banɛ an yʋʋm yinne ka ka' dɛŋŋa. Li anɛ maan linɛ nyu'od bugum, ka li nyuug malisi tis Zugsɔb la. 9 Zaŋimi naaf la maali zʋʋd maan linɛ an zɔmbaanlig gɛndig nɛ kpaam kuriba ayuobʋ, la'am nɛ pɛraug la mɛn kuriba anaasi. 10 Ala nɔɔ ka ya na maal nɛ pɛribis ayɔpɔi la kuriba ayi', yi'. 11 Ka paas bʋribig yinne ka li na an tʋʋmbɛ'ɛd maan. Li wʋsa paas nɛ tʋʋmbɛ'ɛd suguru sɔsʋg maan nɛ daar wʋsa nyu'or maan nɛ li zʋʋd maan nɛ li bʋnnuuda maan la.
Sʋga Gbɛɛnb Malʋŋ yɛla
12 Nwadkanɛ paas ayɔpɔi la dabpiiga nɛ anu la daar, yanam on la'as taaba nimmua la'asʋg kanɛ an mam Zugsɔb la din, ka da tʋm tʋʋm si'a daar kanɛ. Dimi di'ema malʋŋ kaŋa tis Zugsɔb la daba yɔpɔi. 13 Maalimi maan linɛ nyu'od nɛ bugum linɛ ka li nyuug malisi tis Zugsɔb la nɛ na'apɔla pii nɛ atan' nɛ pɛraad ayi' nɛ pɛribis pii nɛ anaasi banɛ an yʋʋm yinne ka ka' dɛŋŋa. 14 Na'araad piiga nɛ atan' la wʋsa ya na maal zʋʋd maan linɛ an zɔmbaanlig gɛndig nɛ kpaam kuriba ayuob, yuob nɛ pɛraad ayi' la wʋsa kuriba anaas, naas; 15 nɛ pɛribis pii nɛ anaasi la wʋsa ala mɛn ka ya na niŋ, kuriba ayi', yi'. 16 Ka paas bʋribigi maal tʋʋmbɛ'ɛd maannɛ paas daar wʋsa nyu'or maan la zug nɛ li zʋʋd maan nɛ li bʋnnuuda maan la.
17 Dabiskanɛ paas ayi' la, nɔkimi na'arapɔla pii nɛ ayi' nɛ pɛraad ayi' nɛ pɛribis pii nɛ anaasi banɛ an yʋʋm yinne ka ka' dɛŋŋa maali maan. 18 Nɔkimi na'araad la nɛ pɛraad la nɛ pɛribis la maal zʋʋd maan nɛ bʋnnuuda maan nwɛnɛ ban zi'eli li kal si'em la. 19 Ka paas bʋraug yinne ka li na an tʋʋmbɛ'ɛd maannɛ paas daar wʋsa nyu'or maan nɛ li zʋʋd maan nɛ li bʋnnuuda maan la zug.
20 Dabiskanɛ paas atan' la, nɔkimi na'arapɔla pii nɛ ayi' nɛ pɛraad ayi' nɛ pɛribis pii nɛ anaasi banɛ an yʋʋm yinne ka ka' dɛŋŋa maali maan. 21 Nɔkimi na'araad la nɛ pɛraad la nɛ pɛribis la maal zʋʋd maan nɛ bʋnnuuda maan nwɛnɛ ban zi'eli li kal si'em la. 22 Ka paas bʋraug yinne ka li na an tʋʋmbɛ'ɛd maannɛ paas daar wʋsa nyu'or maan nɛ li zʋʋd maan nɛ li bʋnnuuda maan la zug.
23 Dabiskanɛ paas anaasi la, nɔkimi na'arapɔla pii nɛ ayi' nɛ pɛraad ayi' nɛ pɛribis pii nɛ anaasi banɛ an yʋʋm yinne ka ka' dɛŋŋa maali maan. 24 Nɔkimi na'araad la nɛ pɛraad la nɛ pɛribis la maal zʋʋd maan nɛ bʋnnuuda maan nwɛnɛ ban zi'eli li kal si'em la. 25 Ka paas bʋraug yinne ka li na an tʋʋmbɛ'ɛd maannɛ paas daar wʋsa nyu'or maan nɛ li zʋʋd maan nɛ li bʋnnuuda maan la zug.
26 Dabiskanɛ paas anu la, nɔkimi na'arapɔla awai nɛ pɛraad ayi' nɛ pɛribis pii nɛ anaasi banɛ an yʋʋm yinne ka ka' dɛŋŋa maali maan. 27 Nɔkimi na'araad la nɛ pɛraad la nɛ pɛribis la maal zʋʋd maan nɛ bʋnnuuda maan nwɛnɛ ban zi'eli li kal si'em la. 28 Ka paas bʋraug yinne ka li na an tʋʋmbɛ'ɛd maannɛ paas daar wʋsa nyu'or maan nɛ li zʋʋd maan nɛ li bʋnnuuda maan la zug.
29 Dabiskanɛ paas ayuobʋ la, nɔkimi na'arapɔla anii nɛ pɛraad ayi' nɛ pɛribis pii nɛ anaasi banɛ an yʋʋm yinne ka ka' dɛŋŋa maali maan. 30 Nɔkimi na'araad la nɛ pɛraad la nɛ pɛribis la maal zʋʋd maan nɛ bʋnnuuda maan nwɛnɛ ban zi'eli li kal si'em la. 31 Ka paas bʋraug yinne ka li na an tʋʋmbɛ'ɛd maannɛ paas daar wʋsa nyu'or maan nɛ li zʋʋd maan nɛ li bʋnnuuda maan la zug.
32 Dabiskanɛ paas ayɔpɔi la, nɔkimi na'arapɔla ayɔpɔi nɛ pɛraad ayi' nɛ pɛribis pii nɛ anaasi banɛ an yʋʋm yinne ka ka' dɛŋŋa maali maan. 33 Nɔkimi na'araad la nɛ pɛraad la nɛ pɛribis la maal zʋʋd maan nɛ bʋnnuuda maan nwɛnɛ ban zi'eli li kal si'em la. 34 Ka paas bʋraug yinne ka li na an tʋʋmbɛ'ɛd maannɛ paas daar wʋsa nyu'or maan nɛ li zʋʋd maan nɛ li bʋnnuuda maan la zug.
35 Dabiskanɛ paas anii la buolim nidib la ka ba la'as taaba nimmua la'asʋg ka da tʋm tʋʋm si'a daakanɛ. 36 Daakan la yanam on maal maan piinkanɛ nyu'od ka li nyuug la malisi tis Zugsɔb la, nɛ na'araug yinne nɛ pɛraug yinne nɛ pɛribis ayɔpɔi banɛ an yʋʋm yinne ka ka' dɛŋŋa. 37 Nɔkimi na'araad la nɛ pɛraad la nɛ pɛribis la maal zʋʋd maan nɛ bʋnnuuda maan nwɛnɛ ban zi'eli li kal si'em la. 38 Ka paas bʋraug yinne ka li na an tʋʋmbɛ'ɛd maannɛ paas daar wʋsa nyu'or maan nɛ li zʋʋd maan nɛ li bʋnnuuda maan la zug.
39 Asɛɛ ya maal maan bama tis Zugsɔb la ya yʋʋm-yʋʋm di'ema malʋŋ la. Bama paas yanamɛ kaanb si'eli zi'el nɛ ya'amlɛog piini la; ka lin anɛ ya nyu'or maan nɛ zʋʋd maan nɛ bʋnnuuda maan nɛ taaba la'asʋg maana la.
40 Moses da yɛl Israel dim Zugsɔb la tis o nɔsi'a la wʋsa.