लूकसी लिखचका दौ कत्था
चिन्हा परछा
ई दौ कत्था पुथिन पौलुस गने नलख नंजका लूकस लिखचकाचस। ई पुथी ईस्वी 70 ही ख़ॊख़ा रोम आलर गे लिख्रकी र'ओ दने। ई पुथिन लूकस आलर नू मईन मरजात मन्ना जॊगे ओन्टा युनानी आलस थेओफिलुस गे लिखचस। लूकस येसुसिन ओन्टा धर्मेसी आलस बेसे ऎदका र'अदस। लूकस युनानी आलर गे आर येसुसिन अरा येसुसिन उर्मी नलखन अरा आस मानिम नू धर्मेसी आलस एन्ने ऎद'आ गे ई पुथिन लिखचकाचस।
लूकस तंग्है दौ कत्था नू उर्बस येसु मसीसी उज्जना ही पत्त नू जोक्क एन्ने कत्थन लिखचकादस। अउर नन्ना तीनों दौ कत्था पुथी नू एन्ने मल लिख्रकी र'ई। एकासे का: मेर्ख़ा पैकर ही महबा नन्ना, भेंडो ख़ापुर लेल्ले येसुसिन ऎरा गे बॆतलहेम काना, कुक्को परिया नू येसुसी येरुसलॆम मन्दिर नू काना, चोन्हा ननू सामरी अरा एबस्रका ख़द्दासी जोक्खा ख़ीरी। लूकस ई दौ कत्था नू ऒर ती छेद्द गूटी बिन्ती, नेम्हा बॊलतस, मसीसी सुसराचका नलख, अरा मुक्कर ही संगरका नलख अरा धर्मेस तरती नम्है पाप ही नाड़रनन ही पत्त नू कोड़हे तिंकादस।
सरियाचका पंडी
चिन्हा परछा 1:1-1:4
यॊहन नूड़रत'उस अरा येसुसी कुन्द्रना अरा ख़द्द परिया 1:5-2:52
यॊहन नूड़रत'उसी नलख 3:1-20
येसुसी नॊड़रना अरा बिढ़्रना 3:21-4:13
येसुसी गलिलेया जिला नू सुसर'अना नलख 4:14-9:50
येसुस गलिलेया ती येरुसलॆम नगरे तरा काना 9:51-19:27
येसुसी उज्जना ही छेद्द हप्ता 19:28-23:56
येसुसी उज्जा चो'अना अरा ऎथ्रना अरा मेर्ख़ा होतारना 24:1-53